यसरी मनाइयो डा. बाबुराम पोखरेलको चौथो स्मृति दिवस

स्वर्गिय डा.बाबुराम पोखरेल स्मृति समाजले चौथो बार्षिक स्मृति सभा तथा सम्मान कार्यक्रम आयोजना गरी विभिन्न क्षेत्रका चार जना व्याक्तिलाई पुरस्कार प्रदान तथा सम्मान गरेको छ ।

समाजले प्रा.डा.सुरेन्द्र भक्त प्रधानाङगलाई शिक्षा पुरस्कार, प्रकृति अधिकारीलाई पत्रकारिता पुरस्कार, ब्रह्मकुमारी सती दवी राईलाई धर्मसंस्कृति पुरस्कार र सुमित्रा कडरियालाई समाज सेवा पुरस्कारबाट प्रमाणपत्र र दोसल्ला ओढाइ सम्मान गरेको हो ।

समाजका उपाध्यक्ष डा. बबिन पोखरेलले नेपालको निजी शिक्षा क्षेत्रमा स्वर्गिय पोखरेलको ठुलो योगदान रहेको चर्चा गर्नुभयो । उहाँका अधुरा सपना पुरा गर्नका लागि रु एक करोडको अक्षयकोष स्थापना गरी विपन्न क्षेत्रका विभिन्न विद्यालय तथा विद्यार्थीलाई सहयोग गर्दे आएको डा. पोखरेलले जानकारी दिनुभयो ।

यो वर्ष स्व डा.बाबुराम पोखरेललाई मनपर्ने समाजसेवा, शिक्षा, पत्रकारिता र धर्मसंस्कृति गरी चारवटा विधामा ख्याति प्राप्त व्याक्तिहरुलाई थप प्रोत्साहन पुगोस् भन्ने उद्देश्यले सम्मान गरिएको जानकारी दिनुभयो ।

कार्यक्रमका प्रमुख अतिथि वागमती प्रदेशका पर्यटन तथा संस्कृति मन्त्री दिपेन्द्र श्रेष्ठले स्वर्गिय डा.बाबुराम पोखरेले शिक्षा क्षेत्रमा अतुलनिय योगदान पुर्याएको बताउनुभयो ।

सम्बन्धित सामाग्री