ऐरलाई आक्रमण गरेको अभियोगमा ११ जना पक्राउ

Advertisement

कैलालीको गोदावरी नगरपालिका–४ स्थित शुभम् होटेलमा दुई दिनअघि ३२ वर्षीय गौरव ऐरमाथि गरिएको आक्रमणको अभियोगमा प्रहरीले ११ जनालाई पक्राउ गरेको छ । ज्यान मार्ने उद्योगअन्तर्गत उनीहरुलाई प्रहरीले आज पक्राउ गरेको हो ।

जिल्ला प्रहरी कार्यालयका प्रवक्ता राजकुमार सिंहले धनगढी उपमहानगरपालिका, नेपाल–भारत सीमामा रहेको त्रिनगर भन्सार क्षेत्रबाट आरोपित व्यक्तिहरुलाई पक्राउ गरिएको जानकारी दिनुभयो । पक्राउ पर्नेमा धनगढी उपमहानगरपालिकाका भीम नेपाली, अनुपम सिंह, मुस्कान सिंह, बबिन सिंह, गोपाल भट्ट, विशाल बोहरा, प्रिन्स सिंह र कञ्चनपुरको कृष्णपुर नगरपालिकाका किरण महरा, गोविन्द बलायर तथा पुनर्वास नगरपालिकाका दिनेश विक र अनिल विक छन् ।

उक्त होटेलमा दुई दिनअघि धारिलो हतियार प्रहार गरी डडेलधुराको नवदुर्गा गाउँपालिका–२ का ३२ वर्षीय ऐरमाथि आक्रमण भएको थियो । गम्भीर घाइते ऐरको हाल भारतको रुद्रपुर अस्पतालमा उपचार भइरहेको छ । पक्राउ परेकाहरुलाई हिरासतमा राखी थप अनुसन्धान भइरहेको प्रहरीले जनाएको छ ।

सम्बन्धित सामाग्री

यस्तो छ देशको वर्तमान आर्थिक तथा वित्तीय स्थिति (तथ्यांकसहित)

घरजग्गा कारोबारमा नयाँ व्यवस्था : तीन करोडसम्मको कारोबारका लागि कम्पनी दर्ता अनिवार्य नहुने

अनामनगरस्थित मेलम्ची खानेपानी आयोजनाको कार्यालयमा छापा

हमासले फिर्ता गरेका चार बन्धकमध्ये नेपाली विद्यार्थी विपीन जोशीसहितको शव पहिचान

स्पेसएक्सद्वारा स्टारशिपको ११औं परीक्षण उडान सफल

सभामुखले संसद् पुनर्स्थापनाबारे छलफल गर्न बोलाए दश दलको बैठक