फोटोनद्धारा मेगा मनसुन सर्भिस क्याम्प सुरु, सवारी धनीलाई विशेष छुट र निःशुल्क सेवा
फोटोन नेपालले वर्षायाममा सवारी साधनलाई उत्कृष्ट अवस्थामा राख्नका लागि देशभरका आधिकारिक सर्भिस सेन्टरहरूमा मेगा मनसुन सर्भिस क्याम्प सुरु गरेको छ। यो अभियानले फोटोनका पिकअप ट्रक, इलेक्ट्रिक भ्यान, मिनी ट्रक र हेभी कमर्सियल गाडीहरूको विश्वसनीयता सुनिश्चित गर्दै ग्राहकहरूलाई वर्षायामको चुनौतीपूर्ण परिस्थितिमा सहजता प्रदान गर्ने लक्ष्य राखेको छ।
यो सर्भिस क्याम्पमा सहभागी हुने सवारी धनीहरूले स्पेयर पार्ट्स, सर्भिस चार्ज र लुब्रिकेन्टमा १५% सम्म छुट प्राप्त गर्नेछन्। साथै, निःशुल्क सवारी वाश र ग्रीजिङ सेवा उपलब्ध हुनेछ, जुन वर्षायामको हिलो र फोहोर सडकमा अत्यन्त उपयोगी साबित हुनेछ। यसका अतिरिक्त, ग्राहकहरूका लागि निःशुल्क आँखा जाँच सुविधा पनि प्रदान गरिनेछ, जसले चालकको स्वास्थ्यप्रति फोटोनको प्रतिबद्धता झल्काउँछ।
फोटोन टोटल केयरका दक्ष प्राविधिकहरूले प्रत्येक सर्भिस सेन्टरमा निःशुल्क विस्तृत सवारी जाँच गर्नेछन्। यो जाँचले सवारीको पावरट्रेन, इलेक्ट्रिकल कम्पोनेन्ट, चेसिस र संरचनात्मक भागहरूको पूर्ण परीक्षण समेट्नेछ। यस्तो जाँचले सवारी साधनलाई वर्षायाममा भरपर्दो र सुरक्षित राख्न मद्दत गर्नेछ।
यो क्याम्प विशेष रूपमा वर्षायाममा सवारी साधनमा देखापर्ने समस्याहरूलाई सम्बोधन गर्न डिजाइन गरिएको हो। सहभागी सवारी धनीहरूले आफ्नो गाडीको नियमित मर्मत र आकस्मिक मेकानिकल समस्याबाट बच्न सक्नेछन्। फोटोनको यो अभियान गुणस्तरीय सर्भिस, अथेन्टिक पार्ट्स र दक्ष प्राविधिकहरू मार्फत ग्राहक सन्तुष्टिप्रति समर्पित रहेको प्रमाण हो।
मेगा मनसुन सर्भिस क्याम्प दुई महिनासम्म नेपालभरका आधिकारिक फोटोन सर्भिस सेन्टरहरूमा सञ्चालन हुनेछ। यो अवसरको फाइदा लिन फोटोनले सबै सवारी धनीलाई प्रोत्साहित गरेको छ। थप जानकारी र बुकिङका लागि फोटोन टोटल केयर टोलीलाई ९८०२३६७५०१ वा ९८५१४१७१२२ मा सम्पर्क गर्न सकिनेछ।
नेपालमा फोटोनको आधिकारिक वितरक एमएडब्लू वृद्धि कमर्शियल हो, जसले विश्वस्तरीय व्यावसायिक सवारी, प्यासेन्जर सवारी र न्यू इनर्जी सोलुसन्स प्रदान गर्दछ। गुणस्तर, दिगोपन र नवप्रवर्तनमा केन्द्रित यो कम्पनीले बलियो सर्भिस नेटवर्क र प्रोफेसनल आफ्टर सेल्स सर्भिस मार्फत नेपालको अटोमोबाइल क्षेत्रमा नयाँ मापदण्ड स्थापित गरिरहेको छ।
फोटोन नेपालले सबै सवारी धनीलाई यो मेगा मनसुन सर्भिस क्याम्पमा सहभागी भई आफ्नो सवारीलाई वर्षायामका लागि तयार राख्न आह्वान गरेको छ।
सम्बन्धित सामाग्री
सम्पर्क
बागबजार,काठमाडौंफोन: ०१-५३४५३०४
ईमेल: samayapost@gmail.com
विज्ञापनको लागि: ९८४९०६५१२६, ९८५११२८४७०
सूचना विभाग दर्ता नंं: १९९/७३-७४
प्रतिक्रिया