मलेसियन लगानीकर्तासमक्ष अर्थमन्त्री पौडेल : नेपालमा उपयुक्त वातावरण छ, थप लगानी गर्नुहोस्

उपप्रधानमन्त्री एवं अर्थमन्त्री विष्णुप्रसाद पौडेलले नेपालको भौतिक पूर्वाधार र पर्यटन क्षेत्रमा थप लगानी गर्न मलेसियाका लगानीकर्तालाई आह्वान गरेका छन्। नेपाल भ्रमणमा रहेको मलेसिया-नेपाल व्यापार परिषद्को प्रतिनिधिमण्डलसँगको भेटमा उनले नेपालमा लगानीको उपयुक्त वातावरण रहेको बताए।

Advertisement

अर्थमन्त्री पौडेलले नेपालमा पूर्वाधार विकास र पर्यटन क्षेत्रमा राम्रो सम्भावना रहेको उल्लेख गर्दै भने, “निजी क्षेत्रबाट लगानीका लागि नेपालमा उपयुक्त वातावरण छ। नीतिहरू लगानीमैत्री छन्। लगानीका क्षेत्रहरू पहिचान गरी राम्रो तयारीसहित अघि बढ्नुस्। सरकार सहयोग र सहजीकरण गर्न तयार छ।”

प्रतिनिधिमण्डलमा सहभागी लगानीकर्ताहरूले सूचना प्रविधि, व्यापार, हाइड्रोपावर, पूर्वाधार, वातावरण, र पर्यटन क्षेत्रमा लगानीको सम्भावनाबारे चासो व्यक्त गरेका थिए। मलेसिया-नेपाल व्यापार परिषद्का अध्यक्ष प्रदीपकुमार कुकरेजा, डा. चाइ कि खान, गणेशकुमार वनगाह, र एमके संग्राह लगायतको टोलीले नेपालको लगानी वातावरणबारे छलफल गरेको थियो।

सम्बन्धित सामाग्री

सम्पर्कविहीन कर्णाली प्रदेशकाे भौतिक मन्त्रालयका सवारी चालकको शव फेला

मनसुनको हावापानीको अवस्था अद्यावधिकः मधेस प्रदेशको दक्षिण भूभागमा कम वर्षा हुने

बाल्टीको पानीमा डुबेर शिशुको मृत्यु

विष्णुमती नदी किनारमा सतर्कता अपनाउन आग्रह

चिकित्सक आन्दोलन : काउन्सिलको प्रमाणपत्र उसैलाई बुझाउने घोषणा

बिपी राजमार्गको काभ्रे–खण्डमा राति यातायात सञ्चालनमा रोक