प्रधानमन्त्री ओली र विश्वविजेता रोबर्टो कार्लोसबीच सिंहदरबारमा भेट

Advertisement

प्रधानमन्त्री केपी शर्मा ओली र ब्राजिलका प्रख्यात फुटबल खेलाडी तथा विश्वविजेता रोबर्टो कार्लोसबीच आज प्रधानमन्त्री तथा मन्त्रिपरिषद्को कार्यालय, सिंहदरबारमा विशेष भेटघाट भएको छ।

नेपाल सुपर लिग (एनएसएल) को तेस्रो सिजनको खेल हेर्न काठमाडौं आएका कार्लोससँग प्रधानमन्त्री ओलीले सौजन्य भेट गर्दै उनलाई नेपाल आगमनका लागि स्वागत गरे।

भेटका अवसरमा प्रधानमन्त्री ओलीले कार्लोसको उपस्थितिले नेपाली युवा र खेलाडीहरूमा नयाँ ऊर्जा र प्रेरणा थपिने विश्वास व्यक्त गरे। “तपाईं जस्तो विश्वस्तरका खेलाडीको उपस्थितिले हाम्रो खेलकुद क्षेत्रलाई थप हौसला मिल्छ,” प्रधानमन्त्री ओलीले भने।

प्रधानमन्त्री ओलीले नेपाल र ब्राजिलबीचको सुदृढ कूटनीतिक सम्बन्धको स्मरण गराउँदै खेलकुदमार्फत दुई देशबीचको सम्बन्धलाई अझ प्रगाढ बनाउन सकिने बताए। उनले दुई मुलुकका खेल क्षेत्रले एक-अर्काबाट सिक्ने, अनुभव साट्ने र सहकार्य गर्ने अवसरहरू खोज्नुपर्नेमा पनि जोड दिए।

Advertisement

कार्लोसले आफूलाई नेपाली दर्शक र सरकारको स्वागतले गहिरो प्रभाव पारेको प्रतिक्रिया दिएका छन्। उनीले नेपाली फुटबलको विकासका लागि अन्तर्राष्ट्रिय अनुभव साझेदारी गर्न आफू इच्छुक रहेको पनि जनाए।

सम्बन्धित सामाग्री

सम्पर्कविहीन कर्णाली प्रदेशकाे भौतिक मन्त्रालयका सवारी चालकको शव फेला

मनसुनको हावापानीको अवस्था अद्यावधिकः मधेस प्रदेशको दक्षिण भूभागमा कम वर्षा हुने

बाल्टीको पानीमा डुबेर शिशुको मृत्यु

विष्णुमती नदी किनारमा सतर्कता अपनाउन आग्रह

चिकित्सक आन्दोलन : काउन्सिलको प्रमाणपत्र उसैलाई बुझाउने घोषणा

बिपी राजमार्गको काभ्रे–खण्डमा राति यातायात सञ्चालनमा रोक