महिन्द्रा अग्नि ग्रुपद्वारा महिन्द्रा 575 DI Yuvo Tech + ट्रयाक्टर सार्वजनिक

महिन्द्रा समूह अन्तर्गतको फार्म इक्विपमेन्ट सेक्टर (एफईएस) ले आज नेपालमा “Yuvo Tech+ ” ट्रयाक्टर शृङ्खला सार्वजनिक गरेको छ। महिन्द्राको नेपाल स्थित डिलर अग्नि ग्रुपले सोमबार नयाँ ट्र्याक्टर मोडल YUVO TECH + 575 DI लाइ विराटनगर, दमक, जनकपुर, वीरगन्ज, चितवन र नेपालगन्जका ६ अग्नि शाखा र डिलर लोकेशनमा एकै साथ उद्घाटन गरेको हाे ।

अग्नि ग्रुपले आफ्ना ग्राहकहरुलाई छिटो छरितो तथा नयाँ प्रविधिको ट्र्याक्टर उपलब्ध गराउनको लागि ट्याक्टर सार्वजनिक गरेकाे जनाएकाे छ ।

यो श्रृंखला 12F (फर्वार्ड) + 3R (रिभर्स) ट्रान्समिशन टेक्नोलोजीको साथ आउँछ, जसमा 3-speed range option (H–M–L) विभिन्न माटोको प्रकार र कृषि अनुप्रयोगहरूमा आधारित गियर गति चयन गर्न मद्दत गर्ने कम्पनीले जनाएकाे छ। उच्च परिशुद्धता नियन्त्रण भल्भहरू र उत्कृष्ट–इन–क्लास लिफ्ट क्षमताको साथ, यस ट्रयाक्टरले सजिलैसाथ भारी उपकरणहरू ह्यान्डल गर्ने कम्पनीकाे दाबी छ। शक्तिशाली र ईन्धन–कुशल इन्जिनले भरिएको, यस ट्रयाक्टरले उच्च स्तरको टर्क र उत्कृष्ट इन्धन दक्षता प्रदान गर्ने कम्पनीकाे भनाइ छ।

कम्पनीका अनुसार धेरै भार वहन गर्ने क्षमता, उच्च ग्राउन्ड क्लियरेन्स, फ्ल्याट प्लेटफर्मको साथ दुबै साइडमा सिफ्ट गियर लिभर, आरामदायी सिट र एर्गोनोमिकली राखिएको लिभरहरूका कारण यो ट्रयाक्टर सबै कृषि र ढुवानी कार्यको लागी उपयुक्त छ, जसले लामो समयको लागि अधिकतम अपरेटर आराम प्रदान समेत गर्दछ ।

Yuvo Tech+ सिरिजको उद्घघाटन समारोहमा बोल्दै महिन्द्रा एण्ड महिन्द्रा लिमिटेडका कृषि उपकरण क्षेत्र, अन्तर्राष्ट्रिय अपरेसन प्रमुख, केदार आप्टेले भने, “खेती र जीवनलाई समृद्ध बनाउने हाम्रो उद्देश्य अनुरूप नेपालको कृषि आवश्यकताहरूलाई रूपान्तरण गर्न हामी प्रतिबद्ध छौं। Yuvo Tech+ ट्रयाक्टरलाई नयाँ उन्नत इन्जिन, ट्रान्समिसन र हाइड्रोलिक प्रविधिले सम्बन्धित क्षेत्रहरूमा सबैभन्दा उन्नत बनाएको छ । जसको माध्यमबाट हामीले उत्कृष्ट उत्पादनशीलता, आराम र आम्दानी प्रदान गर्ने लक्ष्य राखेका छौं, हामी हाम्रा सम्मानित ग्राहकहरूलाई ट्रयाक्टर सिरिज –महिन्द्रा थ्गYuvo Tech+ प्रस्तुत गर्न पाउँदा हामी खुसी छौं।”

यसैगरी, अग्नि ग्रुपका प्रबन्ध निर्देशक क्याबिनेट श्रेष्ठले भने, “परिवर्तित समयसँगै, नेपालको किसानहरू विकसित हुँदैछन् र कृषि उत्पादकत्व र त्यसैले आम्दानी बढाउनको लागि सबैभन्दा अगाडि टेक्नोलोजीको साथ उच्च स्तरको सशक्तिकरण खोजिरहेको अवस्थामा हामी उन्नत प्रविधि र विस्तारित सुविधाका साथ सबै नयाँ Yuvo Tech+ मोडेलहरू प्रस्तुत गर्न पाउँदा अत्यन्तै खुसी छौं साथै यसको अधिकतम लाभ लिई नेपाली कृषकहरुले आफ्नो आर्थिक उन्नत्तिमा सहयोग पुराउनेमा हामी विश्वस्त छौं। महिन्द्रा, ३ दशक भन्दा बढी समय देखि नेपालमा किसानहरु माझ एक विश्वसनीय ब्रान्डको रुपमा स्थापित छ र हामी हाम्रा ग्राहकहरुलाई सधैं उत्कृष्ट र गुणस्तरीय सेवा प्रदान गर्न प्रतिबद्ध छौं ।”

सम्बन्धित सामाग्री

जर्मनीबाट अमेरिकातर्फ गाडी निर्यातमा भारी गिरावट, नयाँ आयात शुल्कको प्रभाव

महानगर यातायातद्वारा विद्युतीय बस सेवा शुभारम्भ

मौद्रिक नीति प्रति नाडा असन्तुष्ट

बोश नेपालले ल्यायो डिजिटल लोयल्टी कार्यक्रम ‘हाम्रो बोश, मेकानिकलाई फाइदै फाइदा

सवारी चालक अनुमतिपत्रसँग सम्बन्धित सबै सेवाहरू बन्द

यामाहा नेपालले मनायो ७०औं वार्षिकोत्सव : अविस्मरणीय यात्राको उत्सव