जगदम्बा स्पिनिङ मिलमा एनआईबिएल इक्विटी पार्टनर्सले लगानी गर्ने

एनआईएमबी एस क्यापिटलले सञ्चालन गर्दै आएको एनआईबीएल इक्विटी पार्टनरले सौरभ ग्रुपको जगदम्बा स्पिनिङ मिलमा लगानी गर्ने सम्झौता गरेको छ ।

सम्झौतामा सोमबार एनआईएमबी एस क्यापिटलको तर्फबाट प्रमुख कार्यकारी अधिकृत शिवनाथबहादुर पाण्डे र जगदम्बा स्पिनिङका तर्फबाट विष्णु न्यौपानेले हस्ताक्षर गरे ।

सो अवसरमा एनआईएमबी एस क्यापिटलका सीईओ शिवन्थ पाण्डेले एनआईबीएल इक्विटी पार्टनर्स जगदमाबा स्पिनिङ मिल्ससँग आबद्ध हुन पाउँदा खुसी लागेको बताए । उनले नेपालको अर्थतन्त्रलाई बढावा दिन र देशभित्रै रोजगारी सिर्जना गर्ने दिगो व्यवसायको विकासलाई सहजीकरण गर्न प्रतिबद्ध रहेको उल्लेख गरे । उनले नेपालमा जगदम्बा स्पिनिङ मिल्स जस्ता संस्थाको आवश्यकता रहेको बताए ।

त्यस्तै जगदम्बा स्पिनिङ मिल्सका प्रबन्ध निर्देशक विष्णु न्यौपानेले जगदम्बा स्पिनिङ मिल्स नेपालको शीर्ष स्पिनिङ मिल बन्ने लक्ष्यमा रहेको साथै दक्षिण एसियामा व्यापार विस्तार गर्ने योजनामा ​​रहेको बताए ।

उनले जगदम्बा स्पिनिङ मिल्स उच्च-गुणस्तरको धागो उत्पादन, उन्नत प्रविधि र दिगो अभ्यासहरूमा ध्यान केन्द्रित रहेको बताए । उनले यस लगानीले कम्पनीको बृद्धिलाई अघि बढाउन, यसको उत्पादन क्षमता बढाउन र दक्षिण एसियामा आफ्नो स्थिति बलियो बनाउन मद्दत गर्ने विश्वास व्यक्त गरे ।

जगदम्बा स्पिनिङ मिल्सले निकट भविष्यमा आईपीओ जारी गरि ४० प्रतिशतले क्षमता विस्तार गर्ने लक्ष्य समेत रोखेको छ ।

सन् २००५ मा स्थापित, जगदम्बा स्पिनिङ मिल्स नेपालको एक प्रमुख धागो निर्माता हो। यसको कारखाना रुपन्देहीको कमहरिया गाविस–४ मा रहेको छ । यो कम्पनी अन्तराष्ट्रिय मापदण्ड अनुसारका उच्च गुणस्तरका उत्पादनहरू उत्पादन गर्न प्रतिबद्ध छ ।

यसले आफ्ना उत्पादनहरुलाई अन्तराष्ट्रिय स्तरमा समेत निर्यात गर्दै आइरहेको छ ।

जेएसएमले स्थापना गरेका दुई प्लान्टबाट दैनिक ५० मेट्रिक टन धागो उत्पादन गर्ने क्षमता छ । यसको उत्पादनको लगभग ९५ प्रतिशत् मुख्यतया भारतीय बजारमा निर्यात गरिन्छ। कम्पनीले दक्षिण एसियाली क्षेत्रलाई समावेश गर्न आफ्नो निर्यात रणनीतिलाई विविधीकरण गर्ने योजना बनाएको छ । जेएसएमले झण्डै एक हजार कामदारलाई रोजगारी दिएको छ । कम्पनी उच्च गुणस्तरको धागो उत्पादन गरी नेपालको अग्रणी कपडा उद्योग बन्ने लक्ष्यमा छ।

जगदम्बाले पोलिस्टर, ब्लेन्डेड लगायतका धागो उत्पादन गर्दै आएको छ।

सम्बन्धित सामाग्री

श्रम अदालतमा एक वर्ष नाघेका मुद्दा शून्य

सिन्धुलीगढीको झल्को गढीडाँडामा

अम्रिसोखेतीबाट आम्दानी गर्दै कञ्चनपुरको चुरेफेदको सामुदायिक वन

करेन्ट लागेर अरुण तेस्रोमा कार्यरत मजदुरको मृत्यु

सप्तकोशी नदीमा नुहाउन गएका बालक बेपत्ता

अन्तरराष्ट्रिय विमानस्थलको अध्यागमन कार्यालयमा ४५ नयाँ शाखा अधिकृत खटाइयो, सुधारका लागि उच्चस्तरीय समिति गठन