कलर्सको एस १ फोन बजारमा, मूल्य ९ हजार ९ सय ९५
समयपोष्ट
२०७४ मंसिर १९ गते ४:२४
नेपाली बजारमा कलर्स मोबाइलले एस शृङ्खलाको एस १ बजारमा ल्याएको छ । मेटालिक बडी रहेको यो फोनमा पछाडिपट्टि ८ मेगापिक्सल क्षमताको र अगाडिपट्टि ५ मेगा पिक्सल क्षमताको क्यामरा जडान गरिएको छ ।
यसको दुवैतर्फ फ्ल्याससमेत भएकाले प्रयोगकर्तालाई सेल्फी लिन सहज हुन्छ । फोनमा एण्ड्रोइड एन (नोगट ७.०) बाट सञ्चालन हुने र बहुपक्षीय एपयुक्त औठाछाप सेन्सरसमेत रहेको छ । उत्कृष्ट गुणस्तरको यो फोनको बजार मूल्य ९ हजार ९ सय ९५ रुपैयाँ कायम गरिएको छ ।
यो फोनको खरीदमा एनसेलको १२ हप्ता सम्म १०० एमबी डाटा निःशुल्क प्रदान गरिने कम्पनीले बताएको छ ।
प्रतिक्रिया