के छुट्टिन लागेका हुन् निक र प्रियंका ?
समयपोष्ट
२०७८ मंसिर ७ गते १०:३७
बलिउड अभिनेत्री प्रियंका चोपडा र निक जोनसको सम्बन्धविच्छेदको हल्ला फैलिएको छ ।
प्रियंकाले आफ्नो इन्स्टाग्राम अकाउन्टबाट पतिको थर हटाएपछि उनीहरुको सम्बन्धविच्छेदको हल्ला फैलिएको हो ।
प्रियंकाकी आमा मधु चोपडाले भने उक्त खबर अफवाह भएको बताएकी छन् । उनले यस्ता झुटा खबर नफैलाउन अनुरोध समेत गरेकी छन् ।
यसैबीच, निकले आफ्नो एउटा भिडियो सार्वजनिक गरेका छन् । उनले फिटनेस भिडियोमा डबल्स उठाइरहेका छन् ।
उनले सेयर गरेको भिडियोमा प्रियंकाले प्रतिक्रिया जनाएकी छन् । जसमा उनले लेखेकी छन्, ‘म तिम्रो अंगालोमा मरिसकेँ ।’ उनले दिएको यस्तो प्रतिक्रियापछि उनीहरुको सम्बन्धमा कुनै पनि प्रकारको मनमुटाव नआएको बताइएको छ ।एजेन्सी
प्रतिक्रिया