मन्त्री दुगडलाई कोरोना संक्रमण, “जनताको सेवा गर्दागर्दै कतिबेला कोरोनाले भेटेछ, पत्तै भएन”
उद्योग वाणिज्य तथा आपूर्ति राज्यमन्त्री माेतीलाल दुगडलाई काेरोना संक्रमण पुष्टि भएको छ । पीसीआर परीक्षण गर्दा उनको रिपोर्ट पोजेटिभ आएको हो । तर, अवस्था समान्य नै रहेको छ ।
कोरोना पोजेटिभ देखिएपछि उद्योग राज्यमन्त्री मोती दुगड आईसोलेसनमा छन् । “जनताको सेवा गर्दागर्दै कतिबेला कोरोनाले भेटेछ, पत्तै भएन” मन्त्री दुगड भने “संक्रमणमुक्त भएर चाँडै मन्त्रालयको काममा फर्कने रहर छ ।”
व्यवसायिक पृष्ठभूमिका मन्त्री दुगड उद्योग मन्त्रालय आएदेखि नै यस क्षेत्रको परिवर्तनको लागि कोरोना, कडाउन नभनी काममा व्यस्त थिए । होम आईसोलेसनमा बसिरहँदा समेत मन्त्रालयमा ‘कति धेरै कामहरु बितेर गयो होला’ भन्ने हुटहुटीले आफुलाई सताईरहेको मन्त्री दुगडले बताए ।
कतिपय अवस्थामा छलफल तथा कामहरुलाई फोन र डिजिटल माध्यमबाट सम्भव भएसम्म अघि बढाईरहेको उनी बताउँछन् । “जीवन नै देश सेवामा होमेका हामीहरुका लागि संक्रमण भन्दा पनि जनताको शक्तिले जित्ने आत्मबिश्वास हुने रहेछ” उनी भन्छन् “जनताकै आशिर्वादले देशको सेवा गर्न यो कोरोनालाई चाँडै जितेर फर्कन्छु ।”
प्रतिक्रिया