“लोकतन्त्र सिध्याउनु भनेको काँग्रेसलाई सिध्याउनु हो,लोकतन्त्र जोगाउन काँग्रेस एकजुट हुनुपर्छ”
प्रधानमन्त्री एवं नेपाली काँग्रेसका सभापति शेरबहादुर देउवाले लोकतन्त्रलाई जोगाउन काँग्रेस एकजुट हुनुपर्ने बताएका छन् । मंगलबार नेपाली काँग्रेसको भातृसंस्था नेपाल विद्यार्थी संघले प्रदेश र प्रतिनिधि सभाको निर्वाचनको पूर्वसन्ध्यामा आयोजना गरेको ‘राष्ट्रिय रणनीतिक प्रशिक्षण’ कार्यक्रममा प्रधानमन्त्री देउवाले लोकतन्त्र खतरामा परे देश नै खतरामा पर्ने भन्दै लोकतन्त्रलाई जोगाउन काँग्रेस एकजुट हुनुपर्ने बताएका हुन् । कार्यक्रममा उनले लोकतन्त्र सिध्याउनु भनेको काँग्रेसलाई सिध्याउनु हो भन्दै केही बामपन्थी दलको गठबन्धनले लोकतन्त्रमा चुनौती देखिएको बताए । उनले लोकतन्त्रलाई बलियो बनाउन निर्वाचनमा काँग्रेसलाई विजयी गराउन आवश्यक रहेको समेत उल्लेख गरे ।
प्रधानमन्त्री देउवाले कम्युनिष्टहरु प्रजातान्त्रिक पद्दतिबाट जनतालाई झुक्याएर साम्यवाद स्थापना गर्न लागेको भन्दै उनले भने, “कम्युनिष्टहरु प्रजातान्त्रिक पद्दतिबाट जनतालाई झुक्याएर साम्यवाद स्थापना गर्न लागेका छन्, यसप्रति सम्पूर्ण लोकतन्त्रवादी सचेत हुनु जरुरी छ ।”
प्रतिक्रिया