गायिकालाई अवार्ड लोभ देखाएर यौन प्रस्ताव
कलाकार संघ युएसएका वर्तमान अध्यक्ष तथा ‘वर्ल्ड नेपाली म्युजिक अवार्ड २०१९’ का आयोजक संस्थाका महासचिव सुमन बुढामगरमाथि एक कलाकारले यौन दुुब्र्यवहार गरेको आरेप लगाएकी छिन् । कलाकार छिरिङ डोमा शेर्पा ‘जेन्निफर’ ले बुढामगरले पटक पटक इमोसनल ब्लकमेलिङ गर्दै सेक्सुअल हर्यास्टमेन्ट गरेको आरोप लगाएकी हुन् ।
बुढामगरले अनेक थरी प्रलोभन देखाउँदै हेलिकप्टरमा मनाङ र पोखराका होटेलहरुमा बस्नको लागि समेत दवाव दिएको उनले सामाजिक सञ्जाल मार्फ खुलासा गरेकी छिन् ।
अमेरिकामा आयोजना हुने भनिएको ‘वर्ल्ड नेपाली म्युजिक अवार्ड २०१९’ का महासचिव समेत रहेका बुढामगरले ‘टप थ्री’ मा पार्ने प्रलोभनमा विभिन्न प्रस्ताव गरेको उनको आरोप छ । उनले पत्रकारहरु, अनलाइन न्युज र टेलिभिजन च्यानललाई सम्बोधन गर्दै बुढामगरलाई सजाय दिलाउन सहयोग गर्न आग्रह गरेकी छन् ।
बुढामगर निलम्बित
कलाकार छिरिङ डोमा शेर्पाको आरोपपछि ‘वर्ल्र्ड नेपाल म्युजिक अवार्ड २०१९’को आयोजना वल्र्ड कनेक्सन युएसए इन्सले एक विज्ञप्ती जारी गर्दै बुढामगरलाई अवार्ड आयोजक समितिबाट निलम्बित गरेको छ ।
‘अवार्डसँग जोडिएर लागेको आरोपको विषयमा बुझ्न बारम्बार सम्पर्क गर्दा पनि सम्पर्कमा नआएको कारण बुढालाई निर्दोष सावित नभएसम्मका लागि निलम्बित गरिएको छ,’ वल्र्ड कनेक्सनको विज्ञप्तीमा उल्लेख छ ।
प्रतिक्रिया