एसईई पूरक परीक्षाको नतिजा सार्वजनिक: ८३,५६४ विद्यार्थी उत्तीर्ण

Advertisement

राष्ट्रिय परीक्षा बोर्डले शनिबार माध्यमिक शिक्षा परीक्षा (एसईई) को पूरक परीक्षाको नतिजा सार्वजनिक गरेको छ।

बोर्डका अनुसार, यस वर्षको पूरक परीक्षामा सहभागी १ लाख ४३,२५७ विद्यार्थीहरूमध्ये ८३,५६४ जना उत्तीर्ण भएका छन्।

बाँकी ५९,६९३ विद्यार्थी भने अनुत्तीर्ण (अवर्गीकृत) भएका छन्।

राष्ट्रिय परीक्षा बोर्डका अध्यक्ष डा. महाश्रम शर्माले नतिजा सार्वजनिक गर्दै यो जानकारी दिए।

Advertisement

उनले भने, “पूरक परीक्षामा सहभागी विद्यार्थीहरूमध्ये ८३,५६४ जनाले उत्तीर्णता हासिल गरेका छन्, जुन समग्र नतिजाको सकारात्मक पक्ष हो।”

यो पूरक परीक्षा साउन २९ देखि भदौ ६ गतेसम्म सञ्चालन भएको थियो।

गत वैशाखमा आयोजित एसईईको वार्षिक परीक्षामा दुई विषयसम्म ‘नन-ग्रेडेड’ प्राप्त गरेका वा अनुपस्थित भएका विद्यार्थीहरूलाई बोर्डले यो पूरक परीक्षाको अवसर प्रदान गरेको हो।

सम्बन्धित सामाग्री

यस्तो छ देशको वर्तमान आर्थिक तथा वित्तीय स्थिति (तथ्यांकसहित)

घरजग्गा कारोबारमा नयाँ व्यवस्था : तीन करोडसम्मको कारोबारका लागि कम्पनी दर्ता अनिवार्य नहुने

अनामनगरस्थित मेलम्ची खानेपानी आयोजनाको कार्यालयमा छापा

हमासले फिर्ता गरेका चार बन्धकमध्ये नेपाली विद्यार्थी विपीन जोशीसहितको शव पहिचान

स्पेसएक्सद्वारा स्टारशिपको ११औं परीक्षण उडान सफल

सभामुखले संसद् पुनर्स्थापनाबारे छलफल गर्न बोलाए दश दलको बैठक