सुदेश खालिङ दोस्रो कार्यकालका लागि एभरेष्ट बैंकको सीईओमा पुनः नियुक्त

Advertisement

एभरेष्ट बैंक लिमिटेडको सञ्चालक समितिले सुदेश खालिङ राईलाई आगामी चार वर्षका लागि प्रमुख कार्यकारी अधिकृत (सीईओ) मा पुनः नियुक्त गर्ने निर्णय गरेको छ। समितिको २२ भदौमा बसेको बैठकले यो निर्णय गरेको हो, जुन ८ असोज २०८२ देखि लागू हुनेछ।

चार वर्षअघि एभरेष्ट बैंकले पहिलो पटक नेपाली बैंकरलाई सीईओको जिम्मेवारी सुम्पिएको थियो। खालिङको पहिलो कार्यकाल आगामी असोजमा समाप्त हुँदैछ, र उनको उत्कृष्ट नेतृत्वका कारण सञ्चालक समितिले उनलाई दोस्रो कार्यकालका लागि निरन्तरता दिने निर्णय गरेको हो।

यसअघि एभरेष्ट बैंकको सीईओको जिम्मेवारी भारतको पञ्जाब नेसनल बैंकका प्रतिनिधिहरूले सम्हाल्दै आएका थिए। खालिङको नेतृत्वमा बैंकले उल्लेखनीय प्रगति हासिल गरेको छ। जब अन्य बैंकहरू सम्पत्तिको गुणस्तरमा समस्यासँग जुधिरहेका छन्, एभरेष्ट बैंकले भने स्थिर र समस्यारहित प्रदर्शन कायम राख्न सफल भएको छ।

खालिङले यसअघि लक्ष्मी बैंकमा दुई कार्यकाल सीईओको रूपमा काम गरिसकेका छन्। उनको अनुभव र नेतृत्वले एभरेष्ट बैंकलाई थप सशक्त र विश्वसनीय बनाउने अपेक्षा गरिएको छ।

Advertisement

सम्बन्धित सामाग्री

एनपिएलको ट्रफीलाई जानकी मन्दिरमा पूजापाठ गरी नगर परिक्रमा

तिहार ‘फ्लोरा एक्स्पो’ सकियो, एक करोडको कारोबार

गोरखा बजारबाट २० किलोग्राम पटका बरामद

तिहारमा हल्का वर्षाको सम्भावना, कुन दिन कहाँ पानी पर्छ ?

जेन–जी डिजिटल दुनियाँमा हुर्किएका हाम्रै स्मार्ट छोराछोरी हुन्ः वर्षमान

तीन महिनामा १८ प्रतिशत बजेट खर्च