सुन आयातको कोटा बढ्यो, अब दैनिक २० किलो आयात गर्न पाइने

नेपाल राष्ट्र बैंकले सुन आयातको कोटालाई दोब्बर बनाउने निर्णय गरेको छ ।

राष्ट्र बैंकको संचालक समितिको बैठकले सुन आयातको दैनिक कोटालाई हालको १० किलोबाट बढाएर २० किलो बनाउने निर्णय गरेको हो ।

कोटा प्रणालीअनुसार वाणिज्य बैंकले दैनिक १० किलो सुन आयात गर्न पाउने व्यवस्था छ । राष्ट्र बैंकले सर्कुलर जारी गरेर यसबारे औपचारिक जानकारी र निर्देशन दिने तयारी गरेको छ । लगत्तै वाणिज्य बैंकले २० किलो आयात गर्न पाउनेछन् ।

चाडपर्व नजिकिदै गर्दा माग अनुसार नपुगेको भन्दै सुन व्यवसायीहरूले पटक पटक कोटा बढाउन माग गरिरहेका थिए। उद्योग वाणिज्य तथा आपूर्ति मन्त्रालयले केन्द्रीय बैंकलाई सुनको आयात कोटा बढाउन सिफारिस गरेको थियो। सोहि अनुसार राष्ट्र बैंकले कोटा बढाएको हो।

सम्बन्धित सामाग्री

राष्ट्रिय वाणिज्य बैंकका नवनियुक्त अध्यक्ष देव कुमार ढकालद्वारा पदभार ग्रहण

कोशीदेखि कर्णालीसम्म मेघगर्जनसहित वर्षा, सावधानी अपनाउन आग्रह

तिब्बतमा ‘मेगा ड्याम’ निर्माण सुरु, भारत र बङ्गलादेशका लाखौं मानिसमा गम्भीर प्रभाव पर्न सक्ने

जलविद्युत् आयोजनालाई इप्पानको आग्रह

बैंकिङ कसुर मुद्दाका फरार प्रतिवादी पक्राउ

अमेरिका द्वारा डब्लुएचओको नयाँ ‘महामारी नियम’ अस्वीकार