गैरसरकारी संस्थाको कामप्रति प्रधानमन्त्री असन्तुष्ट
प्रधानमन्त्री पुष्पकमल दाहालले गैरसरकारी संस्थाको कामप्रति असन्तुष्टि ब्यक्त गरेका छन । ३७औँ सामाजिक सेवा दिवस समारोहलाई सम्बोधन गर्दै उनले गैरसरकारी संस्थाको पछाडि पारिएका वर्गको उत्थान गर्ने नारा बोक्ने गरे पनि यथार्थमा त्यस्तो नपाइने गरेको उनले बताए ।
‘नारामा पछि परेका वर्गको उत्थान तर भूमिगत रणनीति अर्कै हुन्छ भन्ने चर्चालाई गलत सावित गर्नुस्’ उनले भने ‘सामाजिक सेवा नै मूल उद्देश्य र मध्यम वर्गलाई रोजगारी दिने सहायक उद्देश्य बनाउनुहोस ।’
उनले गैरसरकारी संस्थाको व्यापक वृद्धि साँच्चै सामाजिक सेवाका निम्ति भएको छ कि अरु कुनै अभिष्ट छ भन्ने प्रश्न उठ्ने गरेको बताए।
सामाजिक क्षेत्रको कार्यक्रम लक्षित वर्गमा केन्द्रित गरेर परिणाममुखी काम गर्नुपर्नेमा उनले जोड दिए ।
परिषद्का अध्यक्षसमेत रहेका प्रधानमन्त्रीले मुलुक सङ्घीय संरचनामा गएकाले सोहीअनुसार सामाज कल्याण परिषद्ले पनि आफ्ना कामलाई विकेन्द्रीकरण गरेर अगाडि बढ्नका लागि निर्देशनदिए ।
सम्बन्धित सामाग्री
सम्पर्क
बागबजार,काठमाडौंफोन: ०१-५३४५३०४
ईमेल: [email protected]
विज्ञापनको लागि: ९८४९०६५१२६, ९८५११२८४७०
सूचना विभाग दर्ता नंं: १९९/७३-७४
प्रतिक्रिया