आइतबार, २३ फागुन २०७७

२० गतेदेखि सत्याग्रह थाल्ने केसीको चेतावनी

समयपोष्ट २०७४ असोज ४ गते ३:१६

प्रा.डा. गोविन्द केसीले माथेमा प्रतिवेदन र आफ्ना सुझावअनुसार परिमार्जन गरेर तत्काल चिकित्सा शिक्षा विधेयक संसद्बाट पारित गर्नुपर्नेलगायत चारबुँदे माग पूरा नभए असोज २० देखि सत्याग्रह थाल्ने चेतावनी दिएका छन् ।

Advertisement

उनले गुणस्तरीय चिकित्सा शिक्षा र सेवामा आम नागरिकको पहुँच स्थापित गर्ने आफ्नो अभियानका बाबजुद माफियागिरी हावी रहेको उल्लेख गर्दै सत्याग्रह थाल्ने चेतावनी दिएका हुन् ।

डा केसीले चिकित्सा शिक्षा विधेयकलाई नेताहरूले आफ्नो स्वार्थअनुसार तोडमरोड गरी माफियामुखी बनाएर पारित गर्ने प्रयास गरिरहेको आरोप लगाए ।

Advertisement

मेडिकल माफियासँग मिलेर काठमाडौं विश्वविद्यालय (केयू) ले एमबीबीएसको शुल्क ६० लाखभन्दा बढी निर्धारण गरेको दाबी गर्दै उनले त्यसलाई अविलम्ब फिर्ता लिन आग्रह गरे ।

सरकारले आर्थिक वर्ष २०७४र७५ सम्मका लागि तोकेको एमबीबीएसको शुल्क काठमाडौं उपत्यकामा ३८ लाख ५० हजार र उपत्यका बाहिर ४२ लाख ४५ हजार तथा बीडीएसको शुल्क १९ लाख ३२ हजार ६ सय १२ रुपैयाँ नै कायम गर्नुपर्ने उनले बताए ।  कान्तिपुर दैनिकबाट

प्रतिक्रिया

सम्बन्धित सामाग्री