नाडा अटो शोमा बीवाईडी एट्टो २ सार्वजनिक, कति पर्छ मूल्य ?

Advertisement

भृकुटीमण्डपमा आजदेखि सुरु भएको १७औँ नाडा अटो शो २०२५ मा विभिन्न अटोमोबाइल कम्पनीहरूले आफ्ना नवीनतम मोडलका सवारी साधनहरू प्रदर्शन गरेका छन्। यसै क्रममा साइमेक्स इंक प्रालिले बीवाईडीको नयाँ इलेक्ट्रिक एसयूभी, एट्टो २, औपचारिक रूपमा सार्वजनिक गरेको छ। यो नयाँ मोडललाई प्रधानमन्त्री केपी शर्मा ओलीले लन्च गरेका हुन्।

साइमेक्स इंक, बीवाईडीको नेपालका लागि आधिकारिक वितरक,ले यसअघि बीवाईडी एट्टो १ नेपाली बजारमा ल्याएको थियो। यसपटक नाडा अटो शोको अवसरमा प्रस्तुत गरिएको एट्टो २ को मूल्य ४३ लाख ९९ हजार रुपैयाँ तोकिएको छ। यो गाडी अत्याधुनिक ई–प्लेटफर्म ३.० मा आधारित छ र कम्पनीको चर्चित अल्ट्रा सेफ ब्लेड ब्याट्री प्रयोग गरिएको छ, जसमा सेल-टु-प्याक बडी प्रविधि समावेश छ।

एट्टो २ मा ४५.१ किलोवाट आवर क्षमताको ब्याट्री जडान गरिएको छ, जसले एकपटकको फुल चार्जमा ३१० देखि ३४५ किलोमिटर रेन्ज प्रदान गर्छ। यो गाडी ७ किलोवाट एसी चार्जर र ८२ किलोवाट डीसी फास्ट चार्जर मार्फत चार्ज गर्न सकिन्छ। यसमा १०० किलोवाटको मोटर जडान गरिएको छ, जसले २९० एनएम टर्क उत्पन्न गर्छ। यो पर्फरमेन्स सहरको सहज यात्रा र लामो दूरीको ड्राइभका लागि उपयुक्त छ। गाडीको लम्बाइ ४२९० एमएम, चौडाइ १७७० एमएम, उचाइ १५७० एमएम र ह्वीलबेस २६२० एमएम छ। यसमा २०० एमएम ग्राउन्ड क्लियरेन्स छ, जुन नेपाली सडकहरूका लागि उपयुक्त छ। १२.८ इन्चको रोटेटिङ टच स्क्रिनले गाडीलाई आधुनिक र स्मार्ट बनाएको छ।

Advertisement

बीवाईडी एट्टो २ को प्रवेशले नेपाली बजारमा इलेक्ट्रिक सवारी साधनको माग र प्रतिस्पर्धालाई थप तीव्र बनाउने अपेक्षा गरिएको छ। यो गाडीले आकर्षक डिजाइन, उन्नत प्रविधि र किफायती मूल्यको संयोजन प्रस्तुत गरेको छ।

नाडा अटो शोमा बीवाईडी एट्टो २ सहित अन्य थुप्रै ब्रान्डका नयाँ गाडीहरू प्रदर्शनमा छन्। यो शोले अटोमोबाइल क्षेत्रका नवीनतम प्रविधि, डिजाइन र पर्यावरणमैत्री सवारी साधनहरूलाई नेपाली उपभोक्तासमक्ष ल्याउने अवसर प्रदान गरेको छ। शोले नेपाली बजारमा इलेक्ट्रिक गाडीको लोकप्रियता र स्वीकार्यता बढाउने अपेक्षा गरिएको छ।

नाडा अटो शो २०२५ मा सहभागी भएर नवीनतम प्रविधि र सवारी साधनहरूको अनुभव लिन आयोजकहरूले सबैलाई निम्तो दिएका छन्।

सम्बन्धित सामाग्री

तीन उद्योगले तिरे ‘डेडिकेटेड’ तथा ‘ट्रङ्कलाइन’को विद्युत् महसुल बक्यौता किस्ता

जेनजीहरूसंगको छलफलमा राष्ट्रपति पौडेलले भने – चुनावलाई सामान्य रूपमा नलिनु

राष्ट्रपतिको समुपस्थितिमा सरकार र जेनजी प्रतिनिधिबीच छलफल

गृह मन्त्रालयको एक महिनाको प्रगति: शान्ति सुरक्षाकायम गर्दै निर्वाचनतर्फ अग्रसर (पूर्णपाठ)

सरकारले विश्व बैंकबाट १० मिलियन अमेरिकी डलर अनुदान सहायता स्वीकार गर्ने

राजदूतहरू फिर्ता बोलाउने सरकारको निर्णय, को-को फिर्ता हुँदैछन् (सूचीसहित)