ज्योति विकास बैंक र राष्ट्रिय आविष्कार केन्द्रबीच न्यानो नानी बेबी वार्मर सम्बन्धी परियोजनामा सहकार्य गर्ने सम्झौता

ज्योति विकास बैंक लिमिटेड र महाविर पुनद्वारा प्रवर्द्धित राष्ट्रिय आविष्कार केन्द्रबीच न्यानो नानी बेबी वार्मर सम्बन्धी परियोजनामा सहकार्य गर्ने सम्बन्धी सम्झौता भएको छ ।

बैंकले सामाजिक उत्तरदायित्व अन्तर्गत रहेको हाम्रो विकास प्रवर्द्धन कोष मार्फत १२औं वार्षिकोत्सवको अवसर पारेर आविष्कार केन्द्रसँग सहकार्य गर्ने घोषणा गरेको थियो ।

सम्झौतापत्रमा बैंकका तर्फबाट बैंकका प्रमुख कार्यकारी अधिकृत श्रीचन्द्र भट्ट र राष्ट्रिय आविष्कार केन्द्रका तर्फबाट केन्द्रका अध्यक्ष डा महावीर पुनले हस्ताक्षर गरेका छन् । सम्झौतासंगै बैंकले १० वटा न्यानो नानी बेबी वार्मर बनाउनको लागि आवश्यक ८ लाख राष्ट्रिय आविष्कार केन्द्रलाई प्रदान गर्नेछ ।

ती उपकरणहरु दुवै संस्थाहरुको संयुक्त सहकार्यमा देशका विभिन्न ग्रामीण तथा पहुंच नपुगेका अस्पतालहरुलाई प्रदान गरिनेछ। नवजात शिशुको शारिरिक तापक्रम उचित राख्न प्रयोग हुने राष्ट्रिय आविष्कार केन्द्रको बेबी वार्मरले देशको विभिन्न स्थानहरुमा शिशु मृत्युदर समेत न्यूनीकरण गर्न योगदान पुर्याउने हुँदा बैंकले राष्ट्रिय आविष्कार केन्द्रसँग उक्त सम्झौता गरेको हो।

नेपाली समाजमा स्थानीय तहमा सुषुप्तरुपमा रहेका सम्भावनाहरुको पहिचान गरी त्यस्ता सम्भावनाहरुलाई उजागर गर्नको लागि सहयोगी बन्ने मूल उद्देश्यबाट निर्देशित हाम्रो विकास प्रवर्द्धन कोष मार्फत बैंकले विभिन्न सामाजिक संस्था तथा नागरिकहरुसँग प्रत्यक्ष रुपमा जोडिएर सामाजिक उत्तरदायित्व सम्बन्धी कार्यहरु गर्दै आएको छ।

हाल ज्योति विकास बैंकले १०५ शाखा कार्यालय, १ एक्सटेन्सन काउन्टर तथा ६१ वटा एटिएम मार्फत सेवा उपलव्ध गराउँदै आईरहेको छ । हालसम्म बैंकले ३ लाख भन्दा बढि खाताबाट करिब ३७ अर्ब निक्षेप संकलन गरी २० हजारभन्दा बढि ऋणीलाई करिब ३१ अर्व लगानी गर्न सफल भएको छ ।

सम्बन्धित सामाग्री