ग्राण्डी अस्पताल पछाडिको खोलामा गाडीसहित बगेकी महिलाको उद्धार

Advertisement

काठमाडौँको टोखामा गएराति गाडीसहित बगेकी एक महिलाको प्रहरीले उद्धार गरेको छ । राति १० बजेको समयमा काठमाडौँको टोखा नगरपालिका–६ ग्राण्डी अस्पताल पछाडि विष्णुमति खोला किनाराबाट बा प्र०१–०३१ च ६१४१ नम्बरको निजी कार अचानक खोलामा खसेको थियो ।
काठमाडौँको धुम्बाराही बस्ने अङ्कुश सिंहले चलाएको कारबाट भावना ओली गाडीसहित बग्नुभएको थियो ।

चालक खोला किनारामा हामफाल्न सफल भएका थिए भने गाडीभित्र सवार ओलीलाई खोलाले बगाएको थियो । बानियाँटार पुलमा आइपुगी गाडी अड्किएको अवस्थाबाट महिलाको उद्धार गरिएको प्रहरी पसिर काठमाडौँका प्रवक्ता एवं प्रहरी उपरीक्षक अपिलराज बोहराले जानकारी दिए।

उनका अनुसार उद्धार गरिएकी महिला दाङ घर भई हाल टोखा बस्दै आएका थिए। उनलाई प्रहरीले स्थानीयको सहयोगमा उद्धार गरी उपचारका लागि ग्रिनसिटी अस्पताल पठाएको छ ।

क्रेनको सहायताले खोलाभित्र रहेको कारसमेत बाहिर निकाली प्रहरी प्रभाग नयाँ बसपार्कमा राखिएको प्रहरीले जनाएको छ ।

Advertisement

सम्बन्धित सामाग्री

जोखिमयुक्त क्षेत्र पहिचान गर्दै पूर्वसूचना प्रणाली सुदृढ गर्न संसदीय समितिको निर्देशन

रास्वपा महामन्त्री पद विवादमा सर्वोच्चले छलफलका लागि दुवै पक्षलाई बोलायो

रानीमहललाई पुरानै अवस्थामा संरक्षण गरिने

युके र कतार पठाइदिने भन्दै ५८ लाख ठगी, दुई जना पक्राउ

घट्यो नेप्से, बढ्यो कारोबार रकम

‘टेक एन्ड पे’ नीति फिर्ता : इप्पानद्वारा आन्दोलनका कार्यक्रम स्थगित