घलेम्दी हाइड्रोले साढे ५ करोडको साधारण सेयर निष्कासन गर्ने
समयपोष्ट
२०७५ असार ७ गते ८:१२
नेपाल धितोपत्र बोर्डले घलेम्दी हाइड्रो लिमिटेडलाई साधारण सेयर निष्कासन गर्ने अनुमति दिएको छ । बोर्डले कम्पनीलाई पहिलो चरणमा आयोजना प्रभावित स्थानीयका लागि साधारण सेयर निष्कासन गर्ने अनुमति दिएको हो ।
कम्पनीले पहिलो चरणमा जलविद्युत आयोजना प्रभावित स्थानीयबासिन्दालाई १० प्रतिशत अर्थात ५ करोड ५० लाख रुपैयाँ बराबरको ५ लाख ५० हजार कित्ता आईपिओ निष्कासन गर्नेछ । स्थानीयलाई शेयर जारी गरीसकेपछि कम्पनीले सर्वसाधारणको लागि शेयर जारी गर्नेछ ।
कम्पनीको सेयर निष्कासन तथा बिक्री प्रवन्धकमा भिवोर क्यापिटल लिमिटेड रहेको छ । म्याग्दीको अन्नपूर्ण गाउँपालिका–४ नारच्याङमा ५ मेगावाटको घलेम्दी जलविद्युत् आयोजना निमार्णको अन्तिम चरणमा छ ।
प्रतिक्रिया