रवि लामिछाने थुनामै रहने, रिहा गर्न सर्वोच्चद्धारा अस्वीकार

समयपोष्ट २०८२ जेठ ९ गते २१:०२

राष्ट्रिय स्वतन्त्र पार्टी (रास्वपा) का सभापति रवि लामिछानेलाई रिहा गर्न सर्वोच्च अदालतले अस्वीकार गरेको छ।

बुटवलस्थित सुप्रिम सहकारीमा भएको ठगी प्रकरणमा पक्राउ परेका लामिछानेलाई गैरकानूनी थुनामा राखिएको दाबी गर्दै उनकी पत्नी निकिता पौडेलले सर्वोच्च अदालतमा बन्दीप्रत्यक्षीकरणको रिट दायर गरेकी थिइन्।

शुक्रबार सर्वोच्च अदालतका न्यायाधीश नहकुल सुवेदी र बालकृष्ण ढकालको संयुक्त इजलासले उक्त रिटमाथि सुनुवाइ गर्दै लामिछानेलाई रिहा गर्न अस्वीकार गर्ने आदेश दिएको हो।

यसअघि जिल्ला अदालत रुपन्देहीले लामिछानेलाई धरौटीमा रिहा गर्ने आदेश दिएको भए पनि उच्च अदालत बुटवलको इजलासले चैत २२ गते उनलाई पुर्पक्षका लागि थुनामा राख्न आदेश दिएको थियो। यही आदेशविरुद्ध सर्वोच्च अदालतमा रिट दायर गरिएको थियो।

प्रतिक्रिया

सम्बन्धित सामाग्री

गृहमन्त्री रमेश लेखकको बर्खास्तीको माग गर्दै सर्वोच्चमा रिट दायर

तीनकुनै प्रकरण : १०८ जनालाई मुद्दा चलाउनुपर्ने रायसहित प्रहरीले बुझायो प्रतिवेदन

१० वाणिज्य बैंकको गुणस्तर परीक्षणका लागि बङ्गलादेशी कम्पनी छनोट

नागढुङ्गा सुरूङमार्ग आगामी पुसदेखि सञ्चालनमा,९० प्रतिशत भौतिक प्रगति

“सङ्घीय निजामती ऐनमा ‘कुलिङ पिरियड’ को व्यवस्था : पूर्वप्रशासकका आ–आफ्नै तर्क

अर्थतन्त्र सुधारको समयसीमासहित ‘सुधार कार्यान्वयन कार्ययोजना’ जारी

ताजा