यामाहाको ‘विस काउन्ट’ योजना,मोटरसाइकल वा स्कुटर किन्दा ५० हजारसम्म नगद छुट
नेपालका लागि यामाहा मोटरसाइकल तथा स्कुटरको आधिकारिक विक्रेता एमएडब्लु इन्टरप्राइजेजले नयाँ वर्ष २०७४ लाई लक्षित गर्दै नगद छुटको योजना ल्याएको छ । कम्पनीले मोटरसाइकल तथा स्कुटरको खरीदमा ८ हजारदेखि ५० हजार रुपैयाँसम्म नगद छुटको योजना ल्याएको हो । ‘विस काउन्ट’ नामक यस योजनामा यामाहा ब्रान्डका मोटरसाइकल वा स्कुटर खरिद गर्ने ग्राहकले तुरुन्तै आठ हजार रुपैयाँदेखि ५० हजार रुपैयाँसम्म नगद पुरस्कार पाउनेछन् । साथै, हरेक साता हुने लक्की ड्रमा ग्राहकले एक लाख रुपैयाँको बम्पर उपहार पाउने कम्पनीले जनाएको छ । लक्की ड्रको प्रत्येक्ष प्रसारण हिमालय टेलिभिजनको ‘द इभिनिङ सो एट सिक्स’ र यामाहा नेपालको फेसबुक पेजमा हरेक सोमबार प्रत्यक्ष प्रसारण हुने कम्पनीले जनाएको छ।
यस्तै कम्पनीले एमएडब्लुले यामाहा मोटरसाइकल तथा स्कुटरमा ८० प्रतिशतसम्मको फाइनान्सिङ सुविधा समेत ल्याएको छ । जसअन्तर्गत फाइनान्सिङ गरेर यामाहा मोटरसाइकल खरिद गर्न चाहनेले विना झन्झट सुविधा पाउने कम्पनीको दावी छ । यो वर्षको योजना यामाहा ब्रान्डका सबै मोटरसाइकल र स्कुटरमा लागू हुनेछ ।
नेपाली बजारमा यामाहाको एफजेड–एस एफआई, एफजेड एफआई, आर १५, फेसिनो, रे जेडआर, रेजी, एसजीआरआर, स्यालुटो र आर ३ उपलब्ध छन् । यामाहाका मोटरसाइकल र स्कुटरहरु प्याटेन्टेड ‘ब्लु कोर’ इन्जिन जडित छन् ।
प्रतिक्रिया