तीन स्थानीय तहको सडकबत्तीको बक्यौता पाँच करोड ९१ लाख

Advertisement

सुनसरीका तीन स्थानीय तहले सडकबत्तीको रु पाँच करोड ९१ लाख ६० हजार बक्यौता तिर्न बाँकी रहेको छ ।

इटहरी उपमहानगरपालिका, रामधुनी नगरपालिका र बराक्षेत्र नगरपालिकाले सडकबत्तीको बक्यौता तिर्न बाँकी रहेको नेपाल विद्युत् प्राधिकरण इटहरी वितरण केन्द्रका प्रमुख रामउदगार साहले जानकारी दिनुभयो । बक्यौता तिर्न पटक–पटक सूचना जारी गरे पनि हालसम्म नतिरेको उहाँले बताउनुभयो । इटहरी उपमहानगरपालिकाले रु तीन करोड ७७ लाख ४० हजार, बराहक्षेत्र नगरपालिकाले रु एक करोड ३५ लाख २५ हजार र रामधुनी नगरपालिकाले रु ७८ लाख ९४ हजार बक्यौता तिर्न बाँकी रहेको छ ।

प्रमुख साहले भन्नुभयो, “बक्यौता रकम तिर्न पालिकालाई पत्र पठाउँदै आएका छौँ ।”

इटहरी वितरण केन्द्रका सूचना अधिकारी सुरज गोसाईंका अनुसार प्रत्येक महिना सडकबत्तीको बिल पालिकालाई पठाउने गरिएको छ । प्राधिकरणले बक्यौता नतिर्नेको विद्युत्को लाइन काट्दै आएको छ । चालू आर्थिक वर्ष २०८१/८२ मा साउन महिनायता १२ हजार ८२ जनाको लाइन काटिएको उहाँले बताउनुभयो ।

Advertisement

सम्बन्धित सामाग्री

प्राधिकरणले काट्यो बक्यौता नतिर्ने २५ उद्योगको विद्युत् लाइन, २०० मेगावाट बिजुली भारत निर्यात

फागुन २१ मै निर्वाचनः के भन्छन् दलका नेताहरु ?

दल दर्ता प्रक्रिया सुस्त, २१ दिनमा जम्मा दुई दल अद्यावधिक

ध्वनि चिकित्सा के हो, कस्तो हुन्छ उपचार पद्धति ?

अन्नपूर्ण र मुस्ताङमा पर्यटकको लर्को , व्यवसायी भन्दछन् ‘यति धेरै पर्यटक आउलान् भनेर कल्पना गरेका थिएनौँ’

आज छठ पर्वको मुख्य दिन : अस्ताउँदो सूर्यलाई विधिपूर्वक अघ्र्य दिइँदै