टेलिकमले असारसम्म टेलिफोनको बक्यौता बुझाए जरिवाना रकम मिनाहा गर्ने

नेपाल टेलिकमले टेलिफोनको तिर्न बाँकी रकम आगामी असारसम्म बुझाए सम्पूर्ण जरिवाना रकम मिनाहा गर्ने भएको छ । टेलिकमले आफ्नो १५ औ बार्षिकोत्सवको अवसरमा २०७४ असारसम्मको टेलिफोन बक्यौता बाँकी रहेका ग्राहकले २०७६ असार मसान्तसम्म बक्यौता रकम बुझाए सम्पूर्ण जरिवाना छुट हुने जानकारी दिएको हो ।

१५ वर्ष अघि स्थापना भएको टेलिकमको ग्राहक आधार ४ लाख २२ हजार रहेकोमा अहिले मुलुकभर ७ वटै जिल्लामा तारसहित र ताररहितका सेवाहरु र डाटा सेवा सञ्चालनमा ल्याएपछि कम्पनीको ग्राहक आधार २ करोड १० लाख नाघिसकेको छ । भ्वाइस सेवामा कम्पनीको ग्राहक आधार १३.५१ प्रतिशतले बृद्धि भएको छ ।

मंसिरसम्ममा टेलिघनत्व ७२.५० प्रतिशत पुगिसकेको छ । डाटा सेवा तर्फको ग्राहक आधार मंसिर मसान्तसमम्म १ करोड २० लाख ४ हजार र डाटा घनत्व ४१.२५ प्रतिशत पुगेको छ । पछिल्लो पाँच महिनामा मोबाइल डाटाको खपतमा ६० प्रतिशतले बृद्धि भएको छ ।

सम्बन्धित सामाग्री

राष्ट्रिय सभामा एमालेको सचेतकमा गोपाल भट्टराई

खल्ती र आईएमई पे को एकीकृत सेवा सञ्चालनमा

कीर्तिपुर क्रिकेट रङ्गशाला निर्माण अन्तिम चरणमाः प्रधानमन्त्री

आजदेखि धरहरा १२ घण्टा खुल्ने

नयाँ आर्थिक वर्षको पहिलो दिन नेप्से परिसूचकमा उल्लेख्य वृद्धि, कारोबार रकम ११ महिनायताकै उच्च

पशुपतिनाथ मन्दिरसहित शिवालयमा भक्तजनको भीड