माछापुच्छ्रे बैंकले हकप्रदमा नबिकेको सेयर लिलामीमा राख्दै

माछापुच्छ्रे बैंकले हकप्रदमा नबिकेको सेयर फागुन २७ गतेदेखि लिलामीमा राख्ने भएको छ। बैंकले हकप्रदमा नबिकेको ५० प्रतिशत अर्थात पौने ४ लाख कित्ता सेयर लिलामीमा राख्ने भएको हो । बैंकले ३ लाख २ हजार २ सय ६ कित्ता साधारण र ४८ हजार ६ सय २३ कित्ता संस्थापक सेयर लिलामीमा राख्ने छ । बैंकको सेयर निष्काशन तथा बिक्री प्रबन्धक सिभिल क्यापिटलबाट लगानीकर्ताले आवेदन फारम लिन सक्नेछन् । आवेदकले सो फारम क्यापिटलमा नै बुझाउनु पर्नेछ ।

Advertisement

न्यूनतम १ सय रुपैयाँदेखि बढाबढमा लगानीकर्ताले न्युनतम १ सय कित्ताका लागि आवेदन दिन सक्ने छन् । बैंकले संस्थापक र साधारण गरी ३ लाख ७१ हजार ८ सय २९ कित्ता सेयरका लागि चैत ३ गतेसम्म बोलकबोलको आवेदन लिनेछ । सेयर लिालामीको बोलकबोल चैत चार गते बिहान ११ बजे सिभिल क्यापिटलमा खोलिने बताएको छ । बैंकले गत मंसिर १९ गतेदेखि माघ २ गते सम्म ५० प्रतिशत हकप्रद निष्काशन गरेको थियो ।

सम्बन्धित सामाग्री

अर्घाखाँचीमा एक सय तीन घरगोठ जले

पूर्वमन्त्री मोहम्मद अफताव आलमलाई जन्मकैद

काउन्सिलद्वारा भूकम्प प्रभावित सञ्चारकर्मीलाई सहयोग

उपनिर्वाचनको सुरक्षा व्यवस्थापन पूरा

आगलागी पीडितलाई पालिकाको राहत

केन्यामा बाढी, ३८ जनाको मृत्यु