नेपाली बजारमा यो साता सुनचाँदीको मूल्यमा वृद्धि देखिएको छ। नेपाल सुनचाँदी व्यवसायी महासंघका अनुसार साताभर मूल्य घटबढ भए पनि अन्ततः सुन तोलामा २ हजार २०० रुपैयाँले बढेको छ।
महासंघका अनुसार अघिल्लो शुक्रबार (माघ ११ गते) छापावाल सुनको मूल्य तोलामा १ लाख ६० हजार ६०० रुपैयाँ कायम थियो। यो शुक्रबार (माघ १८ गते) उक्त मूल्य तोलामा १ लाख ६२ हजार ८०० रुपैयाँ पुगेको छ।
साताभर सुनको मूल्यमा विभिन्न परिवर्तन देखियो। माघ १३ गते तोलामा १ लाख ६० हजार ६०० रुपैयाँ कायम भएको सुन माघ १४ गते घटेर १ लाख ६० हजार १०० रुपैयाँ पुगेको थियो। माघ १५ गते थप घट्दै १ लाख ५९ हजार २०० रुपैयाँ कायम हुँदा माघ १६ गते पुनः वृद्धि भएर १ लाख ६० हजार ६०० रुपैयाँ कायम भयो। माघ १७ गते भने तोलाको मूल्य १ लाख ६० हजार ५०० रुपैयाँ कायम रह्यो। साताको अन्तिम दिन शुक्रबार भने मूल्य तोलामा १ लाख ६२ हजार ८०० रुपैयाँ पुगेको महासंघले जनाएको छ।
यस्तै, यो साता चाँदीको मूल्य पनि वृद्धि भएको छ। माघ ११ गते तोलामा १ हजार ८८० रुपैयाँ कायम भएको चाँदी साताभर उतारचढाव भोग्दै अन्ततः माघ १८ गते १ हजार ९१८ रुपैयाँ पुगेको छ।
यस आधारमा साताभर सुनको मूल्य तोलामा २ हजार २०० रुपैयाँले वृद्धि भएको छ भने चाँदीको मूल्य तोलामा ३८ रुपैयाँले बढेको देखिन्छ।
प्रतिक्रिया