सनराइज फोकस्ड इक्विटी फण्डमा आवेदन दिने आज अन्तिम दिन

सनराइज क्यापिटलले निष्काशन गरेको सनराइज फोकस्ड इक्विटी फण्ड नामक सामुहिक लगानी कोष योजनाको इकाईहरुमा आवेदन दिने आज माघ २४ गते अन्तिम दिन रहेको छ ।

क्यापिटलले माघ १० गतेबाट इकाई निष्काशन गरेको हो।

क्यापिटलले सनराइज म्युचुअल फण्ड अन्तर्गत संचालन हुने सनराइज फोकस्ड इक्विटी फण्ड नामक बन्दमुखी म्युचुअल फण्ड योजनाको इकाई निष्काशन गरेको हो । यस योजनाको आकार १ अर्ब २० करोड रहेको छ । क्यापिटल प्रति इकाई १० रुपैयाँको दरले फण्डको १२ करोड इकाई निष्काशन गरेको हो । जस मध्ये १ करोड ८० लाख इकाई कोष प्रबर्दक सनराइज बैंकलाई छुट्याईएको छ । बाँकि रहेको १० करोड २० लाख इकाईको लागि सर्वसाधारणले आवेदन दिन सक्ने छन् । आवेदन दिंदा न्युनतम १०० कित्ता र अधिकतम पुरै कित्ताको १ करोड २० लाख कित्ताको लागि दिन सकिने छ । यस म्युचुअल फण्डको अवधि १० वर्ष रहेको छ ।

हाल सनराइज क्यापिटलले सनराइज फर्स्ट म्युचुअल फण्ड र सनराइज ब्लुचिप फण्ड संचालन गरिरहेको छ ।

सम्बन्धित सामाग्री