जग्गा बिक्री नगर्न विप्लवले दिए कडा चेतावनी

उद्योग सञ्चालनको लागि भनेर अधिग्रहण गरिएको जग्गा भूमाफिया  व्यवसायिक घरानाहरुलाई बिक्री गर्ने तयारी गरेको भन्दै नेत्र विक्रम चन्द ‘विप्लव’ नेतृत्वको नेपाल कम्युष्टि पार्टीले त्यसो नगर्न चेतावनी दिएको छ ।

अधिग्रहण गरिएको जग्गामध्ये केही अलका अस्पताल, एनवी वाट्रा कम्पनी र प्रिफेव हाउस कम्पनीलाई राजनीतिक दलका नेता तथा ललितपुर महानगरपालिका–२८ का वडा अध्यक्षको समेत मिलेमतोमा विक्री गर्न लागिएको ललितपुर जिल्लाका सक्रेटरी विपिनले विज्ञप्ति जारी गर्दै उल्लेख गरेका छन् ।

निश्चित प्रयोजनका लागि अधिग्रहण गरिएको जग्गा अनुत्पादक प्रयोजनका लागि विक्री गरे पार्टीले कडा कदम उठाउने उनले चेतावनी समेत दिएका छन् ।

५ दशकअघि नेपाल सरकार र चीन सरकारको सहयोगमा स्थापना भएको हरिसिद्धि इटा तथा टायल कारखानाले हरिसिद्धिको ७ सय रोपनी जग्गा अधिग्रहण गरेको थियो ।

तर, सन् २०४९ सालमा निजीकरणको नाममा गिरिजा सरकारले देशभरका करीब ३४ वटा राष्ट्रिय उद्योगहरु निजीकरण गरेपछि यो उद्योग पनि धरासायी बनेको थियो ।

सम्बन्धित सामाग्री