टिकट वितरणमा कुरा नमिल्दा वाम गठबन्धन छाडेर नेपाली काँग्रेससँग तालमेल गर्न पुगेका भट्टराईले एमाले–माओवादी सहमतिबारे यसो भने-
नेकपा एमाले र नेकपा माओवादी केन्द्रबीच एकताका लागि सम्झौता भएपछि नयाँ शक्ति नेपाल पार्टीका संयोजक डा. बाबुराम भट्टराईले सामाजिक सञ्जाल मार्फत प्रतिक्रिया जनाएका छन् ।
उनले सामाजिक सञ्जाल मार्फत ‘भेडा भेडासँग, बाख्रा बाख्रासँग’ हुनु राम्रो भएको प्रतिक्रिया दिए ।
उनले लेखेका छन् लेखेका छन्,
‘एमाले–माके एकता प्रक्रिया औपचारिक रूपले अघि बढेकोमा हार्दिक बधाई तथा शुभकामना ! राजनीतिमा पनि ’ भेडा भेडासँग बाख्रा बाख्रासँग’ हुनु राम्रो कुरा हो ।’
उनले यसबाट अब नेपाली जनतालाई विचार–नीति र कार्यक्रम–कार्यशैली एउटै भएका तर नाम मात्रै फरक भएका पार्टीहरूको भ्रमबाट मुक्त हुन धेरै सजिलो हुने पनि उल्लेख गरेका छन् ।
भट्टराई थप लेख्छन्,
अब देशमा दोश्रो विश्वदुद्ध पछिको शीतयुद्धकालीन दुइ ध्रुवीय परिवेशमा जन्मेर हुर्केका परम्परागत उदारवादी लोकतन्त्रको पक्षधर काँग्रेस र स्टालिनवादी राज्य– समाजवाद पक्षधर कम्युनिष्ट ध्रुवको विकल्पमा एक्काइसौं शताब्दी र चौथो औद्योगिक क्रान्तिको विश्वसन्दर्भ र भर्खरै संघीय लोकतान्त्रिक गणतन्त्रमा प्रवेश गरेको तथा क्रोनी क्यापिटालिज्म (आसेपासे पूँजीवाद ) को दुष्चक्रमा फँस्न थालेको नेपालको विशिष्ठ परिस्थिति अनुकुलको समावेसी र समानुपातिक र सहभागितामूलक लोकतन्त्रमा आधारित समुन्नत समाजवाद वा नयाँ समाजवादको तेश्रो धार निर्माण गर्न मदत पुग्नेछ ।
प्रतिक्रिया