नेपाल बालसाहित्य समाजको नव कार्यमितिलाई कार्यभार हस्तान्तरण

Advertisement

नेपाल बालसाहित्य समाजको नवगठित कार्यसमितिलाई कार्यभार हस्तान्तरण कार्यक्रम सम्पन्न भएको छ ।

नेबासासको विधान– २०४४ (पछिल्लो संशोधनसहित) अनुसार नेबासास कार्यसमितिको कार्यकाल दुई वर्षको रहेको छ । वि.सं. २०७५ सालमा गठित कार्यसमितिको कार्यकाल समाप्त भइसकेकाले २०७७ माघ ३ गते भएको निर्वाचनमा निर्वाचित नवकार्यसमितिलाई पुरानो कार्यसमितिले कार्यभार हस्तान्तरण गरेको हो ।

नेपाल बालसाहित्य समाज २०४४ सालमा स्थापित नेपालकै जेठो बालसाहित्यिक संस्था हो । यस संस्थाले मुख्यतः बालसाहित्यको विकास र बालसाहित्यमार्फतत पठन सिप, पठन संस्कार र संस्कृतिको विकासका लागि विविध कार्यहरु गर्ने गर्दछ ।

Advertisement

बागबजारस्थित पद्म कन्या क्याम्पसको कक्षमा यही माघ २४ गते निवर्तमान कार्यसमिति अध्यक्ष डा. शैलेन्दुप्रकाश नेपालको अध्यक्षतामा कार्यक्रम सम्पन्न भएको हो । कार्यक्रममा नेबासासका आजीवन सदस्य तथा निर्वाचन समिति सदस्य प्रभाभट्टराईले शुभकामना मन्तव्यसहित बालकविता वाचन गर्नुभएको थियो । यसै गरी आजीवन सदस्य रामबहादुर पहाडीले बालगजल गाउनुभएको थियो ।

वर्तमान कार्यसमितिमा निर्विरोध निर्वाचित कोषाध्यक्ष राजेन्द्रभक्त जोशीले संस्थाको आर्थिक अवस्था बारेमा प्रतिवेदन पेश गर्नुभएको थियो । पूर्वकार्यसमितिमा पनि उहाँ नै कोषाध्यक्ष हुनुहुन्थ्यो । यसपछि निवर्तमान महासचिव प्रा.डा. ध्रुवकुमार घिमिरेले संस्थाको प्रगति विवरण प्रस्तुत गर्दै वर्तमान महासचिव यशु श्रेष्ठलाई संस्थाको माइन्युट हस्तान्तर गर्नुभयो । निवर्तमान अध्यक्ष डा. शैलेन्दुप्रकाश नेपालले आफ्नो नेतृत्वको कार्यकालमा कार्यसमितिले सम्पन्न तथा सञ्चालन गरिरहेका महत्वपूर्ण कार्यक्रमहरुको जानकारी गराउँदै शुभेच्छा र शुभकामनासहित नवगठित कार्यसमितिका अध्यक्ष प्रा.डा. ध्रुवकुमार घिमिरेलाई कार्यभार हस्तान्तरण गर्नुभएको भयो ।

अध्यक्ष प्रा.डा. ध्रुवकुमार घिमिरे, उपाध्यक्ष प्रमोद प्रधान, महासचिव यशु श्रेष्ठ, सचिव डा. यादेवी ढकाल, कोषाध्यक्ष श्री राजेन्द्रभक्त जोशी, सदस्यहरु उद्धव प्याकुरेल, एकाराम सिं, मन्जु ज्ञवाली, शान्ति सापकोटा, सजनी नौबागे र सुशीला प्रधानाङ् सहितको नवनिर्वाचित कार्यसमितिलाई स्वागत गर्दै वरिष्ठ बालसाहित्य सर्जक तथा समाजका मानार्थ सदस्य शान्तदास मानन्धरले टीका तथा कार्यक्रमका सभापति डा. शैलेन्दुप्रकाश नेपालले माला लगाइदिनु भएको थियो ।

बालसाहित्य सर्जक, पूर्वअध्यक्ष तथा समाजका सल्लाहकार तेजप्रकाश श्रेष्ठले नोटबुक र कलम तथा निर्वाचन संयोजक मातृका पोखरेलले प्रमाणपत्र दिनुभएको थियो । उहाहरुले शुभकामना मन्तव्य व्यक्त गर्दै नेबासासले बालसाहित्यको विकासमा जोड दिँदै सम्पूर्ण बालसाहित्य सर्जकहरुलाई समेटेर लैजाने विस्वास व्यक्त गर्नुभएको थियो । निर्वाचिन अध्यक्ष प्रा.डा. घिमिरेले पनि आफ्नो भनाइ राख्नुभएको थियो ।

सौहर्द वातावरणमा निर्वाचन सम्पन्न गर्नुहुने निर्वाचन समितिका संयोजक तथा सदस्यहरुलाई पनि कदरपत्र प्रदान गरिएको थियो । यसपटक अनलाइनमार्फत पनि मतदान गर्ने व्यवस्था गरिएको थियो । अनलाइन भोटिङ समितिका सदस्यहरुलाई पनि कदरपत्र प्रदान गरियो ।
कार्यक्रममा समाजका आजीवन सदस्य एवं प्राज्ञ डा. देवी नेपाल, सल्लाहकार श्री भिक्टर प्रधानसहितले शुभकामना मन्तव्य राख्दै अब नेबासासले गर्नुपर्ने कार्यबारे प्रकाश पार्नु भएको थिया

सम्बन्धित सामाग्री

गायिका चौहान ‘साइबर ब्युरो’ गएपछि….

‘सलाम इच्छुक’ गीतको छायांकन सम्पन्न : कृष्ण सेन ‘इच्छुक’प्रति समर्पित सृजना

‘हराएको कुकुर’ शनिबारदेखि मण्डला थियटरमा

गायिका चौहानलाई गालीगलौज गरेको आरोपमा एक जना पक्राउ

न्यूयोर्कमा आदिवासी जनजातिको सांस्कृतिक साँझ भव्य रूपमा सम्पन्न

‘लालीबजार’ मा स्वस्तिमा