नेपाल लाइफ इन्स्योरेन्सको ३० लाख ९६ हजार ४ सय २९ कित्ता एफपिओ जारी हुँदै
समयपोष्ट
२०७३ पुष १४ गते ९:१७
नेपाल लाइफ इन्स्योरेन्स कम्पनीले ३० लाख ९६ हजार ४ सय २९ कित्ता एफपिओ जारी गर्ने भएको छ । धितोपत्र बोर्डले कम्पनीलार्इ एफपिओ निष्कासनका लागि अनुमति दिएसंगै कम्पनीले ३० लाख ९६ हजार ४ सय २९ कित्ता एफपिओ जारी गर्ने भएको हो । कम्पनीले १४ सय २५(१३२५ प्रिमियम)मा एफपिओ निष्कासन गर्न अनुमति पाएको बोर्डका प्रवक्ता निरज गिरीले बताए । एफपिअाे निष्कासनपछि कम्पनीको चुक्ता पूँजी २ अर्ब ४७ करोड ७१ लाख ४२ हजार ९ सय हुनेछ ।एफपिओ निष्कासनपछि कम्पनीको शेयर संरचना ७० प्रतिशत संस्थापक र ३० प्रतिशत सर्वसाधरणको हुनेछ । प्रिमियम रकम भने जगेडा कोषमा जम्मा हुने छ ।कम्पनीको शेयर अहिले प्रतिकित्ता २९ सय १६ रुपैयाँमा कारोबार भइरहेको छ । कम्पनीको बिक्री प्रवन्धक सिद्धार्थ क्यापिटल रहेको छ ।
प्रतिक्रिया