अनुष्काले जितिन् मिस वर्ल्डमा ‘मल्टिमिडिया अवार्ड’

समयपोष्ट २०७६ मंसिर २७ गते १४:५३

मिस नेपाल अनुष्का श्रेष्ठले मल्टिमिडिया अवार्ड पनि हात पारेकी छिन् । बेलायतको लण्डनमा जारी मिस वर्ल्स २०१९ को ६९ औं संस्करणमा मल्टिमिडिया अवार्ड हात पारेसँगै उनले मिस वर्ल्डको शीर्ष ४० मा आफ्नो स्थान सुनिश्चित गरेकी छिन् ।

नेपालले मल्टिमिडिया अवार्ड आफ्नो पोल्टोमो पारेको बारे जानकारी दिइएको अनुष्का श्रेष्ठको एक भिडियो सन्देश मिस वर्ल्डले आफ्नो आधिकारिक फेसबुक पेजमा पोष्ट गरेको छ ।

Miss World Nepal 2019 has won the Multimedia Award at #MissWorld2019.The winner of this challenge is the contestant who creates the best content to engage fans on social media to get the most votes, likes and shares across all their social media accounts.This is a fast track event that guarantees the winner a place in the top 40 of the #MissWorld Final in #London. Anushka was also one of the ten winners of the Head to Head Challenge.Follow us on social media and www.missworld.com for all the latest news.

Posted by Miss World on Thursday, December 12, 2019

पाँच घण्टा अघि पोष्ट भएको उक्त भिडियोमा अनुष्काले उज्यालिएको अनुहारसहित भनेकी छिन्, ‘नेपालले भर्खरै मल्टिमिडिया अवार्ड हात पारेको छ । यो अवसरमा फेसबुक, इन्स्टाग्राम, वेबसाइट, मोबस्टारमार्फत् भोट गर्ने प्रत्येक व्यक्तिलाई धन्यवाद दिन चाहन्छु । बधाई तपाईंलाई, हामीलाई, नेपाललाई, नेपालीलाई र संसारभरी छरिएका नेपालका शुभचिन्तकलाई । धन्यवाद । यो हाम्रो जित हो ।’सोसल मिडिया अकाउन्टमा सबैभन्दा धेरै भोट, लाइक, सेयर पाउने प्रतिस्पर्धीलाई मल्टिमिडिया अवार्डको उपाधि प्रदान गरिन्छ ।

यसअघि अनुष्काले ‘हेड टु हेड च्यालेन्ज’ प्रतिस्पर्धामा पनि जित हासिल गरेकी थिइन् ।