मेलम्चीको पानी छिट्टैनै राजधानीबासीको घर घरमा,३२ हजार घरमा धारा जडान सकियो
मेलम्ची खानेपानी आयोजनाको उप–आयोजना–२ अन्तर्गतको आयोजना कार्यान्वयन निर्देशनालय (पीआईडी)ले मेलम्चीको पानी वितरण गर्न ३२ हजार घरमा धारा जडान भइसकेको जनाएको छ ।
मेलम्ची खोलाबाट करिब २७ किमि सुरुङ हुँदै ल्याइने पानी राजधानीबासीका घर–घरमा पुर्याउन हाल पाइप बिच्छ्याउने काम भइरहेको छ। पीआईडीले हालसम्म ४ सय २५ किमि पाइपलाइन बिछ्याइ सकेको जानकारी दिएको छ ।
उपत्यकाभित्र ५२ किमि थोक वितरण प्रणालीसहित पानी वितरणका लागि करिब ७ सय किमि पाइपलाइन विस्तार गर्नुपर्नेछ ।
यसमध्ये करिब २० किमि फलामे (डक्टाइल आइरन–डीआई) र बाँकी पोलिथिन (एचडीपीईपी–१००० )पाइपलाइन बिच्छ्याइएको पीआईडी ले जनाएको छ ।
पीआईडीले सुरुङ निर्माण सम्पन्न हुनेबित्तिकै मेलम्चीको पानी वितरणका लागि तयारी अवस्थामा रहन उपत्यकाका विभिन्न ठाउँमा पानीपोखरी निर्माणको कामसमेत गरिरहेको छ ।
पहिलो चरणमा निर्माण भइरहेका ६ वटा पानीपोखरीको काम पनि करिब पूरा हुने चरणमा रहेको पीआईडीले जनाएको छ ।
पीआईडीले वितरण सञ्जाल तथा सुधारको काम करीब ६३ प्रतिशतसम्म सम्पन्न गरिसकेको छ । ।
प्रतिक्रिया