शुक्रबार, १४ फागुन २०७७

आफ्नो क्षेत्रभित्र पर्ने भन्दै कञ्चनपुरमा एसएसबीले सडक निर्माण गर्न दिएन , निर्माण कार्य रोकियो

समयपोष्ट २०७४ कार्तिक २८ गते ५:४१

कञ्चनपुरको उत्तरी क्षेत्र जोड्ने गड्डाचौकी–ब्रह्मदेव सडक निर्माणमा भारतीय पक्षले अवरोध पुर्याएको छ । नेपाल–भारत सीमा पिलर ८०९ (५ ‘ए’) नजिक निर्माण भइरहेको कालोपत्रे सडकमा ह्युमपाइपको विषयलाई लिएर भारतीय सीमा सुरक्षा बल (एसएसबी) ले अवरोध गरेको हो ।

Advertisement

नेपाली भूमिमै निर्माण भइरहेको सडकमा भारतीय पक्षले आफ्नो क्षेत्रभित्र पर्ने भन्दै हतियारसहित आएका एसएसबीले निर्माण भइरहेको सडकमा पानी निकासका लागि हालेको ह्युम पाइप निकाल्नुपर्ने दबाब दिएपछि विवाद भएको छ ।

भारतीय पक्षको अवरोधका कारण सडक निर्माणको कार्य नै रोकिएको स्थानीयवासीले बताएका छन् ।

Advertisement

सडक निर्माणमा एसएसबीले अवरोध गरेपछि निर्माण काम रोकिएको जानकारी प्राप्त भएको प्रमूख जिल्ला अधिकारी कुमारबहादुर खड्काले बताए । ‘भारतीय पक्षसँग संयुक्त छलफल गरेर निर्माण कार्य अगाडि बढाइनेछ’, प्रजिअ खडकाले भने ।गत वर्ष फागुनमा कल्भर्टको विषयलाई लिएर भएको विवादमा भारतीय एसएसबीले चलाएको गोली लागेर कञ्चनपुरको पुनर्वास नगरपालिकामा एकजना नेपालीले ज्यान गुमाएका थिए ।रासस

प्रतिक्रिया

सम्बन्धित सामाग्री