नेप्से परिसूचक ५.१७ अंकले घट्यो, ५ अर्ब नाघ्यो कारोबार रकम

Advertisement

नेपाल स्टक एक्सचेन्ज (नेप्से) परिसूचक बुधबार ५.१७ अंकले ओरालो लागेर २५६६.१६ विन्दुमा पुगेको छ। यसैगरी, सेन्सेटिभ इण्डेक्स १.५६ अंक, फ्लोट इण्डेक्स ०.५७ अंक र सेन्सेटिभ फ्लोट इण्डेक्स ०.४६ अंकले घटेको छ।

नेप्से घटे पनि कारोबार रकममा भने वृद्धि भएको छ। मंगलबार ४ अर्ब ५७ करोड रुपैयाँको शेयर कारोबार भएको बजारमा बुधबार ३२१ स्टकको ५० हजार ४८७ पटकको कारोबारबाट ५ अर्ब ४५ करोड ९७ लाख ६७ हजार रुपैयाँबराबरको १ करोड १५ लाख १ हजार कित्ता शेयर किनबेच भएको छ।

बुधबार खानी खोला हाइड्रोपावर र उपकार लघुवित्त वित्तीय संस्थाको शेयर सकारात्मक सर्किट लेभलमा कारोबार भएको छ। यसैगरी, मानुषी लघुवित्तको शेयरमूल्य करिब १० प्रतिशत र हिमालयन पावर पार्टनरको साढे ८ प्रतिशतभन्दा बढीले वृद्धि भएको छ।
यता, ज्योति विकास बैंक बण्ड २०८७ को मूल्य सर्वाधिक ५.६६ प्रतिशतले घटेको छ।

कारोबार रकमका आधारमा यूनियन हाइड्रोपावरले २३ करोड ६५ लाख रुपैयाँको कारोबार गर्दै पहिलो स्थान हात पारेको छ। एनआरएन इन्फ्रास्ट्रक्चर एण्ड डेभलपमेन्टको २३ करोड नाघेको छ भने बुटवल पावर कम्पनीको साढे २२ करोड रुपैयाँभन्दा बढीको शेयर किनबेच भएको छ।

Advertisement

१३ उपसमूहमध्ये ४ वटाको परिसूचक बढेको छ भने ९ वटाको घटेको छ। होटल तथा पर्यटन उपसमूह सर्वाधिक २.१५ प्रतिशत र व्यापार उपसमूह २ प्रतिशतले उकालो लागेको छ। अन्य उपसमूहको परिसूचक सर्वाधिक १.२० प्रतिशतले ओरालो लागेको छ।

सम्बन्धित सामाग्री

छोराको निधनपछि गौरवकाे परिवार सहाराविहीन

रारामा एक वर्षको अवधिमा १९ हजार पर्यटक भित्रिए

ऊर्जामन्त्री घिसिङ र भारतका विद्युत्मन्त्री खट्ठरबीच भेटवार्ता

मुक्तिनाथ मन्दिर परिसरको हिउँ पन्छ्याइयो

मुस्ताङमा हिमपात र चिसोबाट प्रभावित पर्यटकको उपचारमा सशस्त्रको टोली

नेपाल–भारतबीच थप दुई अन्तरदेशीय प्रसारण लाइन निर्माणको सम्झौता, २०३० भित्र सम्पन्न गर्ने लक्ष्य