लक्ष्मी पूजामा आन्तरिक माग धानेर १०१५ मेगावाट विजुली भारत निर्यात

यस वर्ष तिहारको लक्ष्मीपूजाको दिन देशभरको विद्युत् उच्च माग (पिक डिमाण्ड) १ हजार ६५० मेगावाट रेकर्ड गरिएको छ । नेपाल विद्युत् प्राधिकरणका अनुसार आइतबार साँझ ६:५० बजे यो रेकर्ड कायम भएको हो ।

Advertisement

गत वर्ष कात्तिक १६ गते परेको लक्ष्मीपूजाको दिन पिक डिमाण्ड १ हजार ६०२ मेगावाट थियो । यस वर्ष ४८ मेगावाट बढी माग रेकर्ड भएको प्राधिकरणले जनाएको छ ।

तिहारका कारण उद्योग तथा कलकारखानाहरू बन्द रहने भएकाले यो पिक डिमाण्ड औद्योगिक ग्राहकबाहेकको मात्र हो । लक्ष्मीपूजाको दिनको सम्पूर्ण विद्युत् माग देशभित्रैका जलविद्युत् गृहहरूबाट उत्पादन गरी आपूर्ति गरिएको थियो ।

देशभित्रको माग पूरा भएपछि पिक समयमा १ हजार १५ मेगावाट विद्युत् भारततर्फ निर्यात गरिएको छ । गत वर्ष लक्ष्मीपूजा पिक समयमा भारतमा केवल २५३ मेगावाट मात्र निर्यात भएको थियो । यस वर्ष निर्यातमा उल्लेख्य वृद्धि भएको छ ।

निर्यातसहित प्रणालीमा समग्र विद्युत् माग २ हजार ६६५ मेगावाट पुगेको प्राधिकरणले उल्लेख गरेको छ । गत वर्ष यो माग १ हजार ८५५ मेगावाट थियो ।

Advertisement

यस वर्ष लक्ष्मीपूजाको दिन काठमाडौँ उपत्यकाको पिक डिमाण्ड पनि १ हजार ६५० मेगावाट रेकर्ड गरिएको छ । गत वर्ष उपत्यकामा यो माग ३९० मेगावाट मात्र थियो ।

यसैगरी ऊर्जा, जलस्रोत तथा सिँचाइ मन्त्री कुलमान घिसिङले आजै लक्ष्मीपूजाको दिन विद्युत् माग र आपूर्ति व्यवस्थापनको जानकारी लिन सोमबार साँझ नेपाल विद्युत् प्राधिकरणको स्युचाटारस्थित भार प्रेषण केन्द्रको नियन्त्रण कक्षको भ्रमण गरे ।

मन्त्री घिसिङको नेतृत्वमा ऊर्जा मन्त्रालयका सचिव चिरञ्जीवी चटौत, विद्युत् नियमन आयोगका अध्यक्ष रामप्रसाद धिताल, मन्त्रालयका सहसचिवहरू, विद्युत् विकास विभागका महानिर्देशक, प्राधिकरणका कार्यकारी निर्देशक मनोज सिलवाल, उपकार्यकारी निर्देशकलगायतको टोलीले विद्युत् आपूर्ति र मागको अवस्थाबारे जानकारी लिए।

प्राधिकरण यस वर्ष पनि लक्ष्मीपूजाको दिन मुलुकभर बिनाअवरोध विद्युत् आपूर्ति गर्न सफल भएको छ। प्राधिकरणले विद्युत् अवरोध हुन नदिन मुलुकभरका वितरण केन्द्र र विद्युत्गृहका प्रमुखहरू तथा प्राविधिक कर्मचारीलाई पूर्ण तयारी अवस्थामा राखेको थियो।

सम्बन्धित सामाग्री

सुनकोशीमा डुबेर सात वर्षीया बालिका बेपत्ता

नर्सहरूको समस्या समाधानका लागि उच्चस्तरीय समिति गठन, सात कार्य दिनभित्र प्रतिवेदन पेस गरिने

त्रिविको जग्गा खोजबिन समितिको प्रतिवेदन कार्यान्वयन गरिने

विपिन जोशीप्रति प्रधानमन्त्रीद्वारा श्रद्धाञ्जलि अर्पण

तीन महिनामा ३५ अर्ब बराबरको वैदेशिक लगानी प्रतिबद्धता

स्वदेश आइपुग्यो विपिन जोशीको शव