सातदेबाटोमा बसमा आगलागी

ललितपुरको सातदोबाटोमा शनिबार दिउँसो एक बसमा आगलागी भएको छ। जिल्ला प्रहरी कार्यालय ललितपुरका अनुसार बा ४ ख १०६ नम्बरको महानगर यातायातको बसमा आगलागी हुँदा मानवीय क्षति नभए पनि बस पूर्णरूपमा क्षतिग्रस्त भएको छ।

प्रहरीका सूचना अधिकारी रवरत्न पौडेलका अनुसार बस सातदोबाटोबाट ग्वार्कोतर्फ जाँदै गर्दा ‘बस पाकेट’मा रोकेर राखिएको थियो। अचानक तार सट भएर आगलागी भएको प्रारम्भिक अनुमान गरिएको छ।

आगो लाग्नेबित्तिकै प्रहरी र ललितपुर महानगरपालिकाका दुई दमकलको सहायताले आगो नियन्त्रणमा लिइएको हो। आगलागीको कारणबारे थप अनुसन्धान भइरहेको प्रहरीले जनाएको छ।

सम्बन्धित सामाग्री

मनोसामाजिक उपचार सेवा सञ्चालनमा आएपछि …

खानेपानीमन्त्री यादवद्वारा राति छड्के अनुगमन तथा निरीक्षण

दुई दशकदेखि राजमार्गको पुलमुनि बास

आजका लागि विदेशी मुद्राको विनिमय दर

कर्णालीमा ५० ठाउँमा अझै तुइन

गोरखा दरबार सङ्ग्रहालय एक लाख २२ हजार पर्यटकद्वारा अवलोकन