बाढी र पहिरोले यी राजमार्ग पूर्णरुपमा अवरुद्ध

अविरल वर्षापछि आएको बाढी र पहिरोका कारण नेपालका विभिन्न ६ वटा प्रमुख राजमार्ग पूर्णरुपमा अवरुद्ध भएका छन्। नेपाल प्रहरीले सोमबार बिहान ९ बजे जारी गरेको अद्यावधिक सूचनाअनुसार यी राजमार्गहरूमा सवारी आवागमन पूर्णरुपमा बन्द भएको छ।

प्रहरीका अनुसार कोशी प्रदेशको संखुवासभास्थित कोशी राजमार्ग, पाँचथरको मेची राजमार्ग र तमोर करिडोर सडक खण्डमा बाढी र पहिरोका कारण यातायात पूर्णरुपमा ठप्प भएको छ। त्यस्तै, गण्डकी प्रदेशको नवलपरासी पूर्वमा रहेको कालिगण्डकी करिडोर पनि अवरुद्ध भएको छ।

यसैगरी, लुम्बिनी प्रदेशको रोल्पामा रहेको सहिद राजमार्ग र कर्णाली प्रदेशको रुकुम पश्चिममा रहेको जाजरकोट–डोल्पा भेरी करिडोर सडक खण्डमा पनि बाढी र पहिरोले पूर्णरुपमा अवरोध सिर्जना गरेको छ।

प्रहरीको सूचनाअनुसार यी ६ वटा राजमार्गबाहेक अन्य पाँचवटा सडक खण्ड भने एकतर्फी रुपमा सञ्चालनमा रहेका छन्। निरन्तर वर्षाका कारण सडक खुलाउने प्रयासमा समेत कठिनाइ भइरहेको प्रहरीले जनाएको छ।

वर्षातका कारण देशभर बाढी र पहिरोको जोखिम बढेको छ। सम्बन्धित क्षेत्रका बासिन्दालाई सतर्क रहन र जोखिमयुक्त स्थानमा यात्रा नगर्न प्रहरीले आग्रह गरेको छ। बाढी र पहिरोका कारण जनधनको क्षति हुन नदिन स्थानीय प्रशासन र उद्धार टोलीहरू तयारी अवस्थामा रहेको पनि प्रहरीले उल्लेख गरेको छ।

सम्बन्धित सामाग्री

आज यी चार प्रदेशमा भारी वर्षाको सम्भावना

सङ्घीय सरकारका सचिवहरूको बैठक : सेवा प्रवाहलाई थप व्यवस्थित बनाउनेलगायत १४ बुँदे निर्णय

कम्पनी रजिष्ट्रार कार्यालयका ३१ कर्मचारीको सरुवा

आजका लागि विदेशी मुद्राको विनिमय दर

पाँच हजार ८७२ घर बाढी पहिरोको जोखिममा

देशभर करिब ७२ प्रतिशत धान रोपाइँ सम्पन्न