आइतबार, १६ फागुन २०७७

एनआइसि एसिया बैंको ३० करोड ह्याक: राष्ट्र बैंकले भन्यो – कारोबार नगर

समयपोष्ट २०७४ कार्तिक ६ गते २:४१

विदेशी ह्याकरहरुले नेपालका वाणिज्य बैंकहरुलाई निसाना बनाउन थालेको समाचार बाहिर आइरहेको बेला मुलुककै प्रतिष्ठित बैंक एनआईसी एसियाको ३० करोड रुपैयाँ ह्याक गरेको रहस्य बाहिर आएको छ ।

Advertisement

लक्ष्मी पूजाको दिन बेलुकि बैंक बन्द गर्दा मुलुकभरकै शाखाको अवस्था दुरुस्त भएको रिपोर्ट सबै शाखा कार्यालयले बैंकका कार्यकारी अधिकृत लक्ष्मण रिसाललाई दिएको भए पनि आइतबार बिहान बैंकको सिस्टम हेर्दा ३० करोड रुपैयाँ नदेखिएपछि बैंकमा खैलाबैला मच्चिएको थियो ।

बैंकले रकमको खोजी गर्ने कामलाई दिइरहेका बेला उक्त रकम अन्तराष्ट्रिय ह्याकरहरुले ह्याक गरेको पत्ता लागेको थियो ।

Advertisement

बैंकका सूचना प्रविधि विज्ञहरुले ह्याक भएको केही रकम फर्काउन सफल भए पनि अन्य रकम भने ह्याकरहरुले ह्याक गरेर विदेशमा रहेको बैंकमा ट्रान्सफर गरेको आशंका गरिएको छ ।

राष्ट्र बैंकका सहायक प्रवक्ता रोजेन्द्र पण्डितका अनुसार एनआईसी एसिया बैंकको खाताबाट विदेशबाटै रकमान्तर गरेको देखिन्छ ।

उनले यो विषयमा अध्ययन गर्न टोली पठाइसकिएको र एनआईसी एसिया बैंकसँग कारोबार गर्ने विदेशी बैंकहरुलाई कारोबार नगर्न आग्रह गरेको जनानकारी दिए । नेपाल समाचारपत्र

प्रतिक्रिया

सम्बन्धित सामाग्री