चक्रवर्ती हवी नर्सिङ कलेजद्धारा सम्बन्धन खारेजको निर्णय सच्याउन माग
मध्यपुरथिमिस्थित चक्रवर्ती हवी नर्सिङ कलेजले प्राविधिक शिक्षा तथा व्यावसायिक तालिम परिषद् (सिटिइभिटी)ले गरेको कलेज सम्बन्धन खारेज गर्ने निर्णय सच्याउन माग गरेको छ । कलेजले विज्ञप्ति जारी गर्दै भर्ना भएर पठनपाठन शुरु भइसकेका अवस्थामा विद्यार्थीको भविष्य अन्योल हुनेगरी गरिएको उक्त निर्णय सच्चाउन माग गरेको हो ।
गत भदौ ३० गते उच्च अदालत पाटनका न्यायाधीश भोलानाथ चौलागाईंको एकल इजलासले कलेज नवीकरण गर्न र विद्यार्थीको पढाइलाई अवरोध नगर्न सिटिइभिटीका नाममा अन्तरिम आदेश जारी गरेको थियो ।
अदालतको आदेश विपरीत कलेजलाई कुनै जानकारी नै नदिई सिटिइभिटी बोर्ड बैठकले कलेजको सम्बन्धन खारेज गर्ने निर्णय गरेको कलेजको आरोप छ ।
कलेजले उक्त निर्णयले ३७ विद्यार्थीको भविष्य अन्योलमा पारेको र अदालतको मानहानि गरेको भन्दै आपत्ति समेत जनाएको छ । कलेजले गत भदौ २५ गते प्रमाणपत्र तह नर्सिङ विषयमा ३७ विद्यार्थी भर्ना लिएर पठनपाठन गरिरहेको छ ।
प्रतिक्रिया