जापानमा निश्चित सीपयुक्त कामदार पठाउने समझदारी थप ५ वर्षका लागि नवीकरण

Advertisement

नेपाल र जापानबिच सन् २०१९ मा भएको निश्चित सीपयुक्त कामदार पठाउने समझदारीलाई थप ५ वर्षका लागि नवीकरण गर्ने निर्णय भएको छ। हालै बसेको मन्त्रिपरिषद् बैठकले यो समझदारीलाई मार्च १९, २०२४ देखि लागू हुने गरी नवीकरण गरेको हो।

सन् २०१९ मार्च २० मा भएको उक्त समझदारीको अवधि गत मार्च १९, २०२४ मा सकिएको थियो। सरकारका प्रवक्ता तथा सूचना तथा सञ्चार प्रविधिमन्त्री पृथ्बीसुब्बा गुरुङले बुधबार यो निर्णयबारे जानकारी दिँदै भने, “नेपाल र जापान सरकारबिच सन् २०१९ मार्च २० मा हस्ताक्षर भएको जापानमा निश्चित सीपयुक्त कामदार पठाउने विषयको समझदारीपत्रको अवधि १९ मार्च २०२४ बाट थप ५ वर्षका लागि नवीकरण गर्ने निर्णय भएको छ।”

समझदारीअनुसार श्रम, रोजगार तथा सामाजिक सुरक्षा मन्त्रालयले २०८० सालमै ‘जापानमा निश्चित सीपयुक्त श्रमिक पठाउनेसम्बन्धी कार्यविधि, ०८०’ लागू गरिसकेको छ। यो कार्यविधिले नेपाली कामदारहरूलाई जापानमा सीपमूलक रोजगारीका अवसरहरू प्रदान गर्न सहज बनाएको छ।

सम्बन्धित सामाग्री

बाउन्न हेक्टरमा सिँचाइ सुविधा विस्तार

आजका लागि यस्तो छ विदेशी मुद्राको विनिमय दर

आज पाँच प्रदेशमा अत्यधिक वर्षाको सम्भावना

आज साउने सङ्क्रान्ति

क्लासिक टेकको १६ औ वर्षमा प्रवेश, अफर जतिमा चाहियो, तेतिमा पाइयो!

हिमालयन क्यापिटल र एसियन ब्याट्रीज बीच धितोपत्र निष्काशन सम्झौता सम्पन्न