सिस्नोपानीबाट शैलेन्द्र आउट
समयपोष्ट
२०७६ कार्तिक ७ गते १४:३८
यसपालिको सिस्नोपानी व्यङ्ग्यात्मक देउसीभैलो कार्यक्रममा कलाकार शैलेन्द्र सिम्खडा नदेखिने भएका छन् ।
सिस्नोपानी टीमले सुरुमा सिम्खडालाई प्रस्तुतिका लागि तयारी गर्न भनेपनि हाल आएर उनलाई टीममा नलिने जानकारी गराएको छ ।
टीमबाट हटेसँगै सिम्खडाले सिस्नोपानी नेपाल नेताहरुको भजनमण्डली भएको टिप्पणी गरेका छन् ।
‘सिस्नोपानी नेपाल जस्तो एक राम्रो संस्था भजनमण्डली बनेकोमा मलाई सारै दुःख लागेकोे छ,’ टीमबाट हटाइएपछि सिम्खडाले भने ‘मेरो व्यङ्ग्यले नेताहरुको चाकडीमा उहाँहरुलाई बाधा पर्ने देखेर म अलग हुने निर्णयमा पुगेको हुँ ।’
सिस्नोपानी नेपालले हरेक वर्ष तिहारको अवसरमा प्रज्ञा प्रतिष्ठानमा व्यङ्ग्यात्मक देउसीभैलो कार्यक्रममा आयोजना गर्दै आएको छ । कार्यक्रममा सिम्खडाले राजनीतिक नेतृत्वप्रति तिखो व्यङ्ग्य प्रहार गर्दै आएका थिए ।
प्रतिक्रिया