पानी उद्योगको अनुगमन

प्रदेश नं १ का सामाजिक विकासमन्त्री जीवन घिमिरेले झापाका पानी उद्योगको आज अनुगमन गर्नुभएको छ । मोरङका विभिन्न १० वटा पानी उद्योगमा कोलिफर्मको मात्रा पाइएपछि मन्त्री घिमिरेले यहाँका पानी उद्योगको अनुगमन गर्नुभएको हो ।

Advertisement

पानी जीवनको महत्वपूर्ण आधार भएकाले पानीको शुद्धता अत्यावश्यक भएको मन्त्री घिमिरेले बताउनुभयो । “प्रदेश सरकार स्वच्छता र शुद्धताको अभियानमा लागेको छ”, उहाँले भन्नुभयो, “सार्वजनिक शौचालय र विद्यालय सुधारको लागि अभियान पनि चलाएको छ ।”

अनुगमनका क्रममा झापाका तृष्णा, लाइफलाइन, गोर्खालगायत आधा दर्जन पानी उद्योगको नमूना सङ्कलन गरिएको छ । सङ्कलित नमूनाको नतिजा एक साताभित्र सार्वजनिक गरिने जनाइएको छ । अनुगमन कार्यमा घरेलु तथा साना उद्योग कार्यालय झापाका प्रमुख चन्द्र मिश्र, उद्योग वाणिज्य सङ्घका प्रतिनिधि, कर्मचारी, पत्रकारको टोली सहभागी थिए ।रासस

सम्बन्धित सामाग्री

राहुघाटमा निर्माणाधीन पाँच जलविद्युत् आयोजना अन्तिम चरणमा

एकापसमा शुभकामना आदानप्रदान गर्दै हिन्दू–मुस्लिम

छ वर्षीया आरभको एकल चित्रकला प्रदर्शन

हुलाकी राजमार्ग : वीरगञ्ज मातहत एक सय ८१ किलोमिटर सडक तयार

कर्णाली प्रदेशको स्वास्थ्य सूचकमा आंशिक सुधार

राष्ट्रिय वाणिज्य बैंकद्वारा वित्तीय साक्षरता अभियान सञ्चालन