अर्घाखाँचीमा कृषकलाई पोषिलो घाँसको बीउ वितरण
अर्घाखाँचीको सन्धिखर्क नगरपालिकाले व्यावसायिक पशुपालक कृषकलाई उन्नत जातको पोषिलो घाँसको बीउ विरतण गरेको छ ।
उन्नत जातको बर्सिम तथा जै घाँसको बीउ कृषकको मागका आधारमा निःशुल्क वितरण गरिएको नगरपालिकाका पशु शाखा प्रमुख नारायण खनालले बताउनुभयो ।
कृषकलाई घाँसको बीउ वितरण गर्दै नगरपालिकाका नगर उपप्रमुख मिश्रा आचार्यले दूध उत्पादन बढाउन तथा कृषकलाई आम्दानीमा वृद्धि गर्न घाँसको बीउ वितरण गरिएको बताउनुभयो । उहाँले व्यावसायिक पशुपालक कृषकलाई नगरपालिकाले विभिन्न क्षेत्रमा सहयोग गर्दै आएको बताउनुभयो ।
कार्यक्रममा प्रमुख प्रशासकीय अधिकृत खुमलाल भुसालले पशुपालक कृषकको लागतमा कमी ल्याउन तथा पोषिलो घाँसबाट दूध तथा दुग्धजन्य पदार्थमा वृद्धि गर्न निःशुल्क घाँसको बीउ वितरण गरिएको बताउनुभयो । उहाँले कृषि र पशुपालनबाट मात्रै आर्थिक समृद्धि हुने तथा उत्पादन बढ्ने भएकाले व्यावसायिक कृषि र पशुपालनमा लाग्न कृषकलाई आग्रह गर्नुभयो ।
प्रतिक्रिया