फ्रि भिसा फ्रि टिकट भन्दै रकम लिनेलाई कारवाही गर्ने मन्त्रीको चेतावनी
समयपोष्ट
२०७३ असोज १० गते १०:३६
१० असोज, काठमाडौं । श्रम तथा रोजगारमन्त्री सूर्यमान गुरुङले फ्रि भिसा फ्रि टिकटको नाममा रकम लिएको थाहा पाए कारवाही गर्ने चेतावनी दिएका छन् ।
रिपोर्टर्स क्लब नेपालले सोमबार राजधानीमा आयोजना गरेको साक्षात्कार कार्यक्रममा बोल्दै फ्रि भिसा, फ्रि टिकट भन्दै मोटो रकम असुल्नेलाई कुनै पनि हालतमा नछोड्ने चेतावनी दिएका हुन् ।
कार्यक्रममा श्रममन्त्री गुरुङले म्यानपावर व्यावसायमा देखिएको विकृति हटाउन , सो क्षेत्रलाई सुधार गर्दै सक्षम बनाउन नयाँ कार्यक्रम ल्याउँन लागेको समेत बताए ।
त्यस्तै मन्त्री गुरुङले अफगानिस्तान र इराकमा निश्चित क्षेत्रको बैदेशिक रोजगारीमा जान लगाइएको प्रतिबन्ध हटाउन लागेको समेत जानकारी दिए ।
उनले यसबारे आगामी मन्त्रि परिषदबाट निर्णय लिने सम्भावना रहेको बताए ।
प्रतिक्रिया