चेतावनी दिएको भोलिपल्टै उत्तर कोरियाले जापानतर्फ फ्याँक्यो अर्को मिसाइल

उत्तर कोरियाले आफ्नो राजधानी प्योंगयांगबाट पूर्वी दिशामा जापानतर्फ अर्को एक मिसाइल प्रक्षेपण गरेको छ । दक्षिण कोरिया र जापानी सरकारले यसको पुष्टि गरेको हो । दक्षिण कोरियाका  सेनाका अनुसार उक्त मिसाइल ७ सय ७० किलोमिटरको उचाईसम्म पुग्यो र त्यसले करिब ३ हजार ७ सय किलोमिटरको यात्रा तय गर्यो ।

Advertisement

जापानको एनएचके टेलिभिजनलाई उद्धृत गर्दै समाचार एजेन्सी रोयटर्सका अनुसार उक्त मिसाइल स्थानीय समयानुसार बिहान ७ बजेर ५७ मिनेटमा प्रक्षेपण गरिएको हो र ७ बजेर ६ मिनेट जाँदा जापानको होकाइडोद्वीप माथिबाट यात्रा गरेको थियो ।

दक्षिण कोरिया र अमेरिकाले उक्त मिसाइल प्रक्षेपणको विस्तृत जानकारी संकलन गरिरहेको छ । दक्षिण कोरियाका राष्ट्रपतिले राष्ट्रिय सुरक्षा परिषदको आपतकालीन बैठक बोलाएको छ ।

उत्तर कोरियाले हिजो मात्र संयुक्त राष्ट्रमा उत्तर कोरियामाथि नयाँ प्रतिबन्ध लगाएको प्रस्तावलाई समर्थन गरेकोमा जापानलाई डुबाइदिने र अमेरिकालाई खरानी र अन्धकारमय बनाइदिने चेतावनी दिएका थिए । पछिल्लो महिना पनि उत्तर कोरियाले जापानमाथिबाट एउटा मिसाइल प्रक्षेपण गरेको थियो जसलाई जापानले आफ्ना लागि ‘अभूतपूर्व खतरा’ बताएको थियो । बीबीसी

सम्बन्धित सामाग्री

उद्धार गर्न सरकार युद्धस्तरमाः प्रधानमन्त्री ओली

ल्हेन्दे खोला बाढीः उद्धार कार्यलाई प्रभावकारी बनाउन कांग्रेसको आग्रह

पर्यटकको नयाँ गन्तव्य बन्दै ‘साम्बा चोक’

अध्यक्ष दाहालद्वारा बाढी प्रभावितको उद्धारलाई प्रभावकारी बनाउन आग्रह

मुक्तिनाथ मन्दिरमा दर्शनार्थीमैत्री परिसर स्तरोन्नति

होमस्टेलाई प्रोत्साहन गर्दै स्थानीय सरकार