सनराइजले हकप्रदमा नबिकेको सेयर लिलाम गर्दै
समयपोष्ट
२०७४ भदौ २७ गते ७:२८
सनराइज बैंकले हकप्रदमा नबिकेको सेयर लिलामीमा बिक्री गर्ने भएको छ । बैंकले हकप्रदमा नबिकेको सात लाख १० हजार ७४३ कित्ता सेयर लिलामीमा मार्फत बिक्री गर्ने भएको हो । बैंकले गत जेठ १६ देख असार १९ गतेसम्म चुक्ता पूँजीको ३० प्रतिशत हकप्रद शेयर बिक्री खुला गरेको थियो । बैंकले बिक्री नभएको सेयर शिलबन्दी बोलपत्रको लागि असोज ८ गतेदेखि २२ गतेसम्म बिक्री आह्वान गरेको हो । बैंकको शिलबन्दी बोलपत्रकालागि सर्वसाधारण समूहतर्फ न्यूनतम १०० रुपैयाँदेखि र न्यूनतम १०० कित्तादेखि आह्वान गर्न सकिने छ । संस्थापक समूहकालागि न्यूनतम एक हजार कित्ताबाट र अधिकतम बिक्री खुला गरिए जतिनै आह्वान गर्न सकिने बैंकको बिक्री प्रबन्धक सनराइज क्यापिटलले जनाएको छ। प्रस्तावित शिलबन्दी लिलाम असोज २३ गते सनराइज क्यापिटलमा खोलिने बैंकले जनाएको छ।
प्रतिक्रिया