जनता बैंकको नाफा ५ गुणा बढ्यो
जनता बैंकले गत आर्थिक बर्ष ६४ करोड रुपैयाँ नाफा कमाएको छ । अघिल्लो आर्थिक बर्ष बैंकको नाफा १३ करोड रहेको थियो । गत आर्थिक बर्ष बैंकको नाफा करिब ५ गुणाले बढेको हो ।बैंकको खुद व्याज आम्दानी ५२ प्रतिशतले बढेर १ अर्ब १४ करोड रुपैयाँ पुगेको छ ।
बैंकले फि कमिसनबाट ५ करोड रुपैयाँ, अन्य सञ्चालनबाट १५ करोड र बिदेशी मुद्राको कारोबारबाट बैंकले ५ करोड रुपैयाँ आम्दानी गरेको छ ।बैंकले यसअघि नोक्सान वापत राखेको ४१ करोड ५९ लाख रुपैयाँ राईट ब्याक गरेको छ । बैंकको खराब कर्जा २.०९ प्रतिशत रहेको छ भने प्रावधान ९८ प्रतिशत गरेको छ ।
बैंकको चुक्ता पुँजी ६ अर्ब ९९ करोड रहेको छ । बैंकको प्रतिसेयर आम्दानी ९.१८ रुपैयाँ रहेको छ । बैंकको सञ्चिती १ अर्ब ८२ करोड रहेको छ । बैंकको निक्षेप संकलन १०१ प्रतिशतले बढेर ४८ अर्ब ५७ करोड रुपैयाँ पुगेको छ ।
बैंकको कर्जा लगानी १ सय २ २ प्रतिशतले बढेर ४५ अर्ब ६५ करोड रुपैयाँ पुगेको छ । बैंकको प्रतिसेयर नेटवर्थ १ सय २६ रुपैयाँ रहेको छ ।
प्रतिक्रिया