जब पाकिस्तानका पूर्व कप्तान इमरान खानलाई लेखेको चिठी भारतका इमरानलाई आइपुग्यो

पाकिस्तानका क्रिकेट टिमका पूर्व कप्तान इमरान खान पाकिस्तानी प्रधानमन्त्री बन्ने पक्का भएको छ । पाकिस्तानी क्रिकेट टिमका पूर्व कप्तान इमरान खान प्रधानमन्त्री बन्ने पक्का भएपछि मानिसहरु सामाजिक सञ्जालमा आ–आफ्ना प्रतिक्रिया दिन व्यस्त छन् । यस्तो प्रतिक्रिया दिनेमा इमरान खानको पार्टी पीटीआईका समर्थकदेखि इमरान खानलाई पछ्याउने विश्व समुदाय नै रहेको छ । इमरान खानका एक जना समर्थक इमरानलाई चिठी लेख्छन्ः

‘प्रिय प्रधानमन्त्री इमरान खान साहब, एक सफल नेता त्यो हुन्छ, जसले सही समयमा सही निर्णय गर्दछ । उ सही साथी र टिमका विश्वास गर्न लायक सदस्यलाई चिन्दछ । म पहिलो निदेखि नै तपाईँको टिममा सहभागी हुन चाहन्छु ।’तर यो चिठी गलत ठाउँमा पुग्यो । पुग्नुपर्ने थियो पूर्व क्रिकेटर तथा पाकिस्तानका हुनेवाला प्रधानमन्त्री इमरान खानकोमा तर चिठी पुग्यो आमिर खानका भान्जा तथा ‘जाने तू या जाने ना’ का अभिनेता इमरान खानकोमा । दुवैको नाम एउटै भएकाले पनि ती समर्थकबाट गल्ती हुन पुगेको हो ।

अभिनेता इमरान खानले यो इमेलको स्क्रीनसट शेयर गर्दै लेखेका छन्, ‘मलाई लाग्छ अब मैले यी कुरामा नजरअन्दाज गर्न मिल्दैन । म यही हप्तामा नीतिहरु बनाउँछु र तपाईँहरुसमक्ष अपडेट गर्नेछु ।’

बलिउड अभिनेता इमरान खानलाई सम्बोधन गरेर पत्र आएको यो पहिलो पटक भने होइन । यसभन्दा अगाडि जुलाई ९ मा इमरान खानलाई इन्स्टाग्राममा एउटा सन्देश आयो, ‘सर म खैबर पख्तूनख्वाको बन्नूमा बस्दछु । म इन्जिनियर हूँ । यहाँका एसएचओले अन्याय गरिरहेका छन् ।’

इमरानले त्यसबेला पनि त्यो सन्देशको स्क्रीनसट शेयर गर्दै लेखे, ‘मलाई थाहा छैन तपाईँले के सुन्नुभयो । तर मसँग त्यो कुरामा एक्सन लिने अधिकार नै छैन ।’

एजेन्सी

सम्बन्धित सामाग्री